iklan

INTERNASIONÁL, DILI, HEADLINE

Austrália rekoñese erru hasoru TL

Austrália rekoñese erru hasoru TL

Ministra Negósiu Estranjeiru Austrália, Penny Wong. Imajen Tatoli/Francisco Sony

DILI, 07 jullu 2023 (TATOLI) – Ministra Negósiu Estranjeiru no Kooperasaun Austrália Senadora Peny Wong rekoñese erru ne’ebé durante ne’ebé Austrália halo ba povu Timor-Leste no Australianu balun mós la satisfaz.

“Ha’u ko’alia kona-ba Greater Sunrise nia futuru, ha’u hakarak rekoñese asuntu balun hosi pasadu, iha okaziaun balun iha pasadu ne’ebé mak Governu Austrália halo ona no halo timoroan sira – no ema Austrálianu/a barak-sente la kontente ka la satisfaz. iha direitu atu halo tuir Konvensaun Nasoens Unidas kona-ba Lei Tasi nian”, ministra dehan iha edifísiu Ministériu Negósiu Estranjeiru no Kooperasaun (MNEK) Dili, sesta ne’e.

Nia realsa, Timor-Leste iha direitu tomak hodi inisia konsiliasaun obrigatóriu, tanba Governu Austrália tuir loloos formalmente labele kontesta kompeténsia Komisaun komprensível ne’ebé relfete relasaun úniku ho nasaun viziñu ne’ebé konsiliasaun nian, wainhira presiza duni halo aprosimasaun ne’ebé kle’an no besik liu.

Peny Wong ne’e hatutan, ida-ne’e la’os espíritu hosi amizade, dezde nasaun rua ne’e nia luta hamutuk iha funu mundiál daruak to’o Austrália nia apoiu ba Timor-Leste nia nasaun joven hafoin independénsia.

Partidu Traballista iha Austrália rekoñese problema ida-ne’e iha tinan 2016, wainhira hosi parte opozisaun promete hodi loke fila fali negosiasaun boa fé ho Timor-Leste kona-ba fronteira marítima.

Hanesan Ministra Negósius Estranjeiru, Tanya Plibersek ko’alia iha momentu ne’ebá katak “disputa fronteira marítima estraga ona ami-nia relasaun ho ami-nia nasaun viziñu ne’ebé joven ida-ne’e tenke hadia ba sira nia di’ak no mós ba ita”.

Nia hatutan, hafoin kontestasaun sira ne’e falla, Governu Austrália iha momentu ne’ebá ho apoiu husi Partidu Traballista, konkorda ho prosesu konsiliasaun, hamosu fila fali aprosimasaun ho Austrália nia boa fé ho forma ne’ebé reflete di’ak liu ita-nia espiritu amizade.

Ministra dehan, ida-ne’e sai hanesan konsiliasaun obrigatóriu dahuluk ne’ebe inísia tuir Konvensaun ONU nian, no susesu ida-ne’e nu’udar modelu ida ba oinsa nasaun sira ho disputa fronteira marítima ne’ebé hanesan bele servisu hamutuk hodi rezolve disputa sira. Ida-ne’e nu’udar sinál ne’ebé forte globalmente hodi respeita ba regularmentu baze sira ne’ebé iha momentu ne’ebé hasoru dezafíu.

Rezultadu mak iha marsu tinan 2018 nasaun rua asina ona Tratadu Fronteira Marítima delimitasaun fronteira permanente no estabelese Rejime Espesiál Greater Sunrise.

Tratadu ida-ne’e nu’udar re-aranju istóriku ida ba nasaun rua nia relasaun bilaterál no hanesan oportunidade ida ba pájina foun iha relasaun bilaterál.

“Finalmente, ita konkorda fronteira marítima permanente, ne’ebé Timor-Leste buka kleur ona, tuir baze ne’ebé justu no ekuitativu no konsisitente tuir lei internasional. Austrália haree asuntu ida-ne’e ladún kle’an no sem konsidera ho didiak importánsia husi problema ida-ne’e iha kontestu ita-bo’ot sira nia soberania”, nia hakotu.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!