Top

Superintendente Xefe Orlando Gomes sei substitui Natercia Martins

Komandante Jerál PNTL, Henrique da Costa. Imajen Tatoli/Francisco Sony

DILI, 07 jullu 2023 (TATOLI) – Komandu Jerál PNTL sei nomea no fó pose ba Superintendente Xefe Polísia Orlando Gomes hodi troka Superintendente Xefe Polísia, Natercia Martins hodi lidera Komandu PNTL Munisípiu Díli.

Komandu Jerál PNTL prepara ona no tuir ajenda, semana oin, Komandante Jerál PNTL, Komisáriu Jerál Polísia Henrique da Costa sei fó posse ba ofisiál no superior sira.

“Sim, iha ona nomeasaun ba sira no sira sei hetan toma posse iha semana oin”, Komandante Jerál Polísia Nasionál Timor-Leste (PNTL), Komisáriu Jerál Polísia Henrique da Costa hateten ba jornalista sira iha UEP Bairro Pite, sesta ne’e.

“Nomeasaun no rotasaun ida ne’e akontese la’os ho intensaun seluk ida, maibé ho objentivu tanba nesesiddade instituisaun PNTL nian. Ita halo rotasaun ida ne’e normál. Ita halo nomeasaun ne’e normál”, Komisáriu Jerál Polísia Herique da Costa informa.

“Ita bo’ot sira haree ita-nia membru lubuk ne’ebé foin daudaun tama ba reforma, tanba ne’e rotasaun no nomeasaun ne’e Komandu PNTL halo atu priénse estrutura komandu PNTL nian ne’ebé sei mamuk”, nia adianta.

Nia hatutan, rotasaun no nomeasaun ne’e parte ida ba rejenerasaun institusaun PNTL tanba PNTL kuandu nia membru sira tama ba reforma, komandu tenke halo nomesaun hodi priénse estruturua ne’ebé mamuk atu instituisaun ne’e kontinua la’o.

Herique da Costa sei nomea no fó pose ba Superintendente Xefe Polísia Orlando Gomes hodi sai Komanante PNTL Munisípiu Díli, troka atuál Komandante PNTL Munisípiu Dílí Superintendente Xefe Polísia, Natercia Martins, enkuantu Superintendente Xefe Polísia Natercia Martins sei muda ba Komandu Jerál PNTL.

Nia sei nomea no fó pose ba Komandante Unidade Espesiál (UEP) foun no Komisáriu Jerál Polísia Herique da Costa mós sei nomeia no fó posse ba Komandante PNTL Munisípiu Aileu foun, Komandante PNTL Munisípiu Bobonaro foun, Komandante PNTL Munisípiu Covalima foun inklui Komandante Munisípiu Viqueque foun.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!