iklan

EKONOMIA, EDUKASAUN, BOBONARO, HEADLINE, MUNISÍPIU

Kondisaun EBF Manu-Aman la saudável

Kondisaun EBF Manu-Aman la saudável

Kondisaun sala tolu Ensinu Báziku Filiál (EBF) Manu-Aman, iha Nunura, suku Tapo-Memo, postu administrativu Maliana, munisípiu Bobonaro. Imajen Tatoli/Sérgio da Cruz.

MALIANA, 11 jullu 2023 (TATOLI)-Kondisaun Eskola Ensinu Báziku (EBF) filiál Manu-Aman iha Nunura, suku Tapo-Memo, postu administrativu Maliana, munisípiu Bobonaro, daudaun ne’e grave hela tanba kalen, ai-rin no piku sira-ne’ebé didin hahú lahuk ona.

Koordenadór EBF Manu-Aman, Leonardo da Silva, haktuir eskola refere konstrui deslzde tinan 2009 liuhosi projetu pakote referendu, maibé to’o agora governu seidauk tau prioridade atu rezolve.

Kondisaun refere difikulta prosesu ensinu aprendizajen loron-loron, liuliu iha tempu udan monu rai. Nune’e mós ema deskoñesidu na’ok sasán eskola tanba laiha moru protesaun inklui guarda eskola.

“Ami araska la halimar tanba Bibi mós tama, tanba Piku sira-ne’e dodok ona, dalaruma dadeer ami mai ne’e, ami tenke ser prega tiha lai, labarik balu tebe, entaun ami mai eskola ko’ak tiha, agora ladún ona, uluk ami fila ona labarik sira tama soe fo’er iha laran,” nia informa ba Jornalista sira, iha Maliana, tersa ne’e.

Tuir nia, iha tinan 2018  Ministériu Edukasaun konstrui ona eskola foun ho sala aula tolu, maibé nafatin la sufisiente tanba eskola tuan iha de’it sala rua, hosi totál ne’e mos sala ida fahe ba aula rua hamutuk hodi akumula estudante na’in-20 hosi klase kuartu no kintu-anu.

Antes ne’e hato’o ona proposta ba Servisu Munisipál Edukasaun Munisípiu Bobonaro, Eis Ministru Edukasaun, Armindo Maia no Ministra atuál, Dulce de Jesus Soares.

“Sira hatene problema ne’e, ne’ebé ami ezije atu solusiona preokupasaun ne’e,” nia katak.

Entretantu tuir observasaun Agência Tatoli iha terrenu notak katak, eskola refere laiha moru protesaun nune’e animál, asu, bibi no karau inklui ema la’o ain movimenta livre

Tuir dadus estudante hahú hosi primeiru to’o sestu anu iha EBF ne’e hamutuk 100 resin ho totál profesór na’in hitu, komposta hosi permanente na’in-rua, kontratadu na’in-lima no voluntariu ida.

Jornálista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!