DILI, 14 jullu 2023 (TATOLI)–Governu liuhosi Ministériu Administrasaun Estatál (MAE) ho Ministériu Saúde (MS), kinta ne’e, entrega karreta ambulánsia haat (4) ba servisu saúde munisípiu Manatuto.
Tuir nota imprensa ne’ebé Agência Tatoli asesu, sesta (14 jullu) ne’e, haktuir iha serimónia inaugurasaun edefísiu STAE Manatuto, Ministru Adminisrasaun Estatál, Tomás do Rosário Cabrál, ho Ministra Saúde, Elia dos Reis Amaral, entrega karreta ambulánsia refere, atu nune’e sira bele hala’o servisu atendimentu públiku no ba povu iha área rurál sira bele la’o ho di’ak no lais.
Apoiu ekipamentu servisu hanesan karreta ambulánsia, edefisiu no apoiu sira seluk tanba Governu Timor-Leste iha kooperasaun servisu hamutuk ho país parseiru sira hanesan Japaun no ajénsia internasioál sira hanesan Programa Nasaun Unida ba Dezenvolvimentu (PNUD) iha TL.
Jornalista : Osória Marques
Editór : Cancio Ximenes
