MI planea rekruta membru foun PNTL iha tinan oin

DILI 14 jullu 2023 (TATOLI) – Ministru Interiór (MI), Francisco Guterres, planea sei halo rekrutamentu ba membru PNTL foun iha tinan oin.
“Ita halo hela preparasaun para halo rekrutamentu ba membru PNTL foun no rekrutamentu ba membru foun ita hatama hotu ona ba planu 2024”, Francisco Guterres, hateten ba jornalista sira hafoin remata vizita ba Kuartel Komandu Jerál PNTL, Caicoli, sesta ne’e.
Antes ne’e, Komandu Jerál Polísia Nasionál Timor-Leste (PNTL), Komisáriu Jerál Polísia, Henrique da Costa hateten, kestaun rekrutamentu ne’e kompeténsia Governu nian.
rekorda fali katak iha fulan kotuk, Komandu Jerál PNTL ofisialmente halo ona reforma ba membru na’in-158, tanba membru hirak ne’e tama ona ba idade reforma.
Jornalista: Natalino Costa
Editór : Zezito Silva

