iklan

HEADLINE, SEGURANSA

Kazu omisídiu Lautém, arguidu na’in-hitu hetan ona medida hosi Tribunál

Kazu omisídiu Lautém, arguidu na’in-hitu hetan ona medida hosi Tribunál

Edifísiu Tribunál Distritál Baucau (TDB). Imajen Agéncia TATOLI/Natalino Belo.

DILI, 20 jullu 2023 (TATOLI) – Tribunál Judisiál Primeira Instánsia Baucau aplika medida koasaun Prizaun Preventiva ba arguidu ho inisiál ANSP (19), arguidu na’in-haat seluk aplika medida Aprezentasaun Periódika no arguidu na’in-rua aplika ho medida Termu Identidade Rezidénsia.

Ho aplikasaun ba medida sira hosi Tribunál ba arguidu sira ne’e tanba iha relasionamentu ba kazu omisídiu iha Lautem ne’ebé rezulta Natalino dos Santos lakon vida.

“Hosi arguidu na’in-hitu ne’e, iha suspeitu na’in-ida ho insiál ANSP (19), Tribunál aplika medida koasaun Prizaun Preventiva, enkuantu arguidu na’in-haat mak Tribunál aplika medida aprezentasaun periodika (AP) no arguidu na’in-rua mak Tribunál aplika termu identidade rezidénsia”, Komandante PNTL Munisípiu Lautém, Superintendente Polísia, António Rêgo Fernandes hateten ba TATOLI liuhosi telefone, kuarta ne’e.

António salienta, Komandu PNTL Lautém simu mandadu kapurasaun no detensaun hosi Ministériu Públiku (MP) iha loron 13 jullu 2023. Komandu ezekuta kedan mandadu ida ne’e hodi kaptura no detein suspeitu na’in-hitu ba kazu omisídiu iha Lautém.

“Komandu PNTL Lautém simu mandadu kaputurasaun no detensaun hosi Ministériu Públiku iha loron 13 jullu 2023 no ami ezekuta kedan mandadu ida ne’e, hodi kaptura no detein, ita-nia suspeitu na’in-hitu ba kazu Lautém”, nia realsa

Rekorda fali katak kazu omisídiu iha Lautém ne’e akontese iha loron sesta (7/7), iha eskola Nino Konis Santana Lospalos Villa, mosu provokasaun entre estudante iha eskola refere, depois estudante sira balun lori kazu ne’e ba, hafoin iha sidadaun balun ne’ebé mak la’os hosi eskola mak halo problema ho estudante sira to’o hamosu tiha konfrontu no rezulta estudante Natalino dos Santos hakotu nia vida.

Jornalista : Natalino Costa

Editór : Zezito Silva 

iklan
iklan

Leave a Reply

iklan
error: Content is protected !!