UNTL realiza simpóziu “Lingua Portuguesa com língua pluricêtrica”
DILI, 21 jullu 2023 (TATOLI) – Universidade Nacional Timor Lorosa’e (UNTL) Fakuldade Edukasaun Arte no Humanidade (FEAH) realiza“Simpósio Internacional de Ensino de Língua Portuguesa como Língua Pluricêntrica” iha auditoria Liceu Dili durante loron rua foin lalais ne’e.
Oradór iha sesaun semináriu ne’e mak, Diretór Sentru Estudu Kultura no Arte (CECA-sigla portugés), Professor Dr. Vicente Paulino hateten, simpósiu ne’e atu habelar no haklean liután peskiza sira ne’ebé professor-sira hala’o ona hanesan linguístika, forma ensinu nune’e, língua portuguesa nu’udar dalan ba língua pluricêntrica.
‘’Objetivu hosi simpósio ida ne’e, hanesan espetativa hosi leitoradu Brazil nian, atu habelar koñesimentu sira ho dimensaun ida hanaran kruzamentu koñesimentu, entre peskizadór Brazil no timoroan. Liuhusi peskiza ne’e, ha’u haree liuba vokabuláriu foun ne’ebé hanesan pasu prelimináriu atu konvoka vokabuláriu sira-ne’e bele ka lae tama iha rejistu linguístiku’’, Vicente liuhosi komunikadu ne’ebé Agência TATOLI asesu hosi media UNTL, ohin.
Iha fatin hanesan, Leitorado Guimarães Rosa, Profesora Dra. Renata Anunciação reforsa, Simpósio ne’e hala’o husi Instituto Guimarães Rosa ne’ebé parseria ho Universidade Estadual de Campinas -São Paulo (UNICAMP) no UNTL hodi Promove lian Portugues liuhusi peskiza hamutuk.
“Ami-nia objetivu hosi Simpósio Internasional ne’e, hodi promove karaterístika lian Portugués, ne’ebé ko’alia iha Timor-Leste, tanba lian Portugués ho nia karaterístika la hanesan Portugués-Brasil no Europa, ho nune’e ita amostra ka deside hodi uza sistema portuguesa hanesan Língua Pluricêntrica’’, Profesora Renata dehan iha komunikadu ne’e.
Atividade ne’e realiza tanba servisu hamutuk entre UNTL ho Institutu Guimarães Rosa, Ministério das Relações Exteriores do Brasil no Departamentu Ensino de Língua Portuguesa FEAH-UNTL nian.
Jornalista: Hortencio Sanchez
Editór : Zezito Silva
