Top

Tribunál aplika prizaun preventiva arguidu nain-tolu ne’ebé envolve kazu tráfiku umanu

Arguidu na’in tolu ne’ebé Tribunál aplika medida koasaun Prizaun Preventiva. Imajen espesiál.

DILI, 24 jullu 2023 (TATOLI) – Tribunál Judisiál Primeiru Instánsia Díli (TJPD), liuhosi despaixu ikus, aplika Prizaun Preventiva ba arguidu na’in-tolu ne’ebé mak envolve iha krime tráfiku umanu.

Argudu sira ne’ebé hetan medida koasaun Prizaun Preventiva hosi Tribunál Judisiál Primeira Instánsia Díli mak arguida ho insiál SdCX, arguida TAN no arguidu VC. Enkuantu arguida ho inisiál NLMC, Tribunál liberta hosi krime tráfiku umanu, tanba arguida refere sei iha hela idade minoridade.

Arguidu sira ne’e komete krime tráfiku umanu ne’ebé previstu iha artigu 163 hosi Kódigu Penál Timor-Leste.

Arguidu sira ne’e submete ba interogatóriu dahuluk iha TJPD domingu (23/7) horseik no apika medida koasaun prizaun Preventiva Preventiva ba arguidu nain tolu SdCX, arguida TAN no  arguidu VC, tanba faktu komprova katak arguidu na’in-tolu ne’e envolve duni krime tráfiku umanu.

“Arguidu sira ne’ebé mak envolve kazu krime foin dadaun ne’e, balun kumpre ona Prizaun Preventiva”, Xefe Departementu Invetigasaun Kriminál (DIK) Superintendente Polísia João Belo hateten ba TATOLI iha Komandu Jerál PNTL, Caicoli segunda ne’e.

Informasaun ne’ebé mak jornalista Tatoli rekolla iha terenu katak hafoin Tibunál Judisiál Primeiru Instánsia hatún tiha despaixu hodi aplika medida koasaun Preventiva ba arguidu na’in tolu, parte Polisia Servisu Investigasaun Krimenál (PNSIK) lori kedan arguidu na’in-tolu ba Prizaun Becora hodi kumpre despaixu Tribunál Judisiál Primeiru Instánsia nian.

Rekorda fali katak iha sesta (21/7) dader tuku 10:00  PNSIK detein arguidu sira iha nia rezidénsia, Delta.

Jornalista; Natalino Costa  

Editór : Zezito Silva

Publisidade

Leave a Reply

Latest Post

error: Content is protected !!