Top

Aban: MJ aranka ba Finlándia observa produsaun passaporte

Ministru Justisa, Amândio de Sá Benevides. Imajen Tatoli/Francisco Sony

DILI, 04 agostu 2023 (TATOLI) – Ministru Justisa (MJ), Amandio de Sá Benevides, sei aranka ba Filándia hodi ba observa produsaun passaporte ne’ebé empreza Thales prodúz iha Finlándia.

Tuir ajenda ne’ebé TATOLI asesu katak Ministru Justisa Amandio de Sá Benevides konfirmadu katak iha sabadu aban (5/7) iha tuku 9:00 dader sei aranka ba Filándia.

Durante viajen ba Filándia, ezekutivu ne’e sei hetan akomapñamentu direta hosi Diretora Diresaun Nasionál Asesoria Jurídika no Lejislasaun  (DNAJL) Ministériu Justisa, Cidália da Cruz.

“Ministru sei ba Aeroportu Internasionál Portu Nicolau Lobato iha oras 8:00 no sei check in iha oras 8:30 no iha oras 9:00 sei aranka ho aviaun Aero Díli”, refere hosi komunikadu ne’ebé Tatoli asesu sesta, ohin.

Durante estadia iha Filándia, governante ne’e ho ekipa Ministériu Justisa sei ba observa produsaun passaporte ne’ebé empreza Thales prodúz iha Filándia.

Rekorda fali katak Ministru Justisa, Amandio de Sá Benevides hetan ona orientasaun hosi Xefe Governu Xanana Gusmão atu ba Filándia hodi halo observasaun direta ba prosesu produsaun passaporte.

Notísia relevante : http://Na’in-neen sei ba finlándia iha 28 jullu observa prosesu produsaun passaporte

Jornalista: Natalino Costa  

Editór : Zezito Silva

Publisidade

Leave a Reply

Latest Post

error: Content is protected !!