DILI, 07 agostu 2023 (TATOLI) – Prezidente Federasaun Natasaun Timor-Leste (FNTL) Laurentino Guterres, dehan natasaun preparadu no halo ona selesaun ba atleta na’in rua ba kompete iha eventu internasionál Asian Games ne’ebé sei hala’o iha nasaun Xina iha setembru mai ne’e.
“Ita iha atleta na’in-rua mak atu ba kompete iha Asian Games iha modalidade natasaun nian, sira na’in-rua preparadu ona”, Laurentino dehan ba Agência TATOLI, liuhosi media sosiál, segunda ne’e.
Atleta na’in-rua ne’e mak hanesan Imelda Belo no Jolanio Guterres ne’ebé daudaun ne’e halo treinamentu iha fatin ne’ebé la hanesan.
“Imelda agora treinu iha Dili, Jolanio treinu hela iha Bali Indonézia, sira na’in-rua antes ne’e ba partisipa hela eventu World Aquatics Championships in Fukuoka- Japan durante semana ida ho rezultadu pozitivu”, Laurentino haktuir.
Eventu Asian Games Timor-Leste sei ba kompete ho modalidade sia mak Federasaun Atetizmu TimOr-Lestet FATE, Federasaun Tiru Timor-Leste (FTTL), Federasaun Voleiból Timor-Leste (FVTL) Federasaun Badminton Timor-Leste (FBTL) Eederasaun Taekwondo Tmor-Leste (FKTL), Federasaun Boxe Amadora TimorLeste (FBATL) Federasaun Hit-Besi Tmor-Leste (FHTL) Federasaun Natasaun Timor-Leste (FNTL) no Federasaun Karate-do Timor-Leste (FKTL).
Jornalista: Hortencio Sanchez
Editór : Zezito Silva
