Top

PNTL submete ona kazu kilat musan ba MP

Logotipu PNTL. Imajen/Espesiál

DILI, 13 setembru 2023 (TATOLI) – Porta-vós Komandu Jerál Polísia Nasionál Timor-Leste (PNTL), Superintendente Polísia, António da Luz konfirma katak kazu kilat musan ne’ebé konsidera tama ilegal, PNTL liuhosi Departamentu Investigasaun Kriminál (DIK) Nasionál submete ona prosesu auto notísia ba Ministériu Públiku.

“Nia ema diplomata ida mak hatama kilat musan maibé la ho karta lisensa. Ha’u labele koalia tán ida ne’e tanba Ministru Interiór horseik koalia ona ne’e, maibé kona-ba kazu ida ne’e. PNTL submete ona ba Ministériu Públiku”, António da Luz ba jornalista sira iha Komandu Jerál PNTL Caicoli, kuarta ne’e.

Rekorda fali katak iha sábadu (10/9) foin daudaun ne’e, iha tuku 11:00 dader, iha sidadaun estranjeiru ida ho insiál CB lori tama bala musan hamutuk 20 bainhira to’o iha Aeroportu Nicolau Lobato X-Ray deteta no parte servisu Aeroportu halo kedan kontatu ba autoridade seguransa ne’ebé halo servisu iha Aeroportu hodi halo apreensaun.

PNTL asegura kedan sidadaun estrajeiru ne’e ho evidénsia sira hodi lori kedan ba Departementu Investigasaun Kriminál Nasional Komandu Jerál PNTL hodi submete ba prosesu investigasaun.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!