DILI, 15 setembru 2023 (TATOLI) – Prezidente Repúblika José Ramos Horta fó posse ba Natércia Cipriana Coelho da Silva hodi asume kargu nu’udar Embaxadora Timor-Leste ba ASEAN.
Posse ne’e bazeia ba Dekretu Prezidente Repúblika Nú. 87/2023 ne’ebé públika iha iha loron 11 setembru 2023.
Natércia Cipriana Coelho da Silva nu’udar Embaixadora no Reprezentante Permanente Repúblika Demokrátika Timor-Leste iha ASEAN.
“Nomeasaun Natércia Cipriana Coelho da Silva, ba kargu Embaixadora Timor-Leste ba ASEAN tanba Konstituisaun RDTL atribui kompeténsia ba Prezidente Repúblika iha domíniu relasaun internasaionál hodi nomeia no ezonera embaixadora sira, reprezentante no enviadu extraordináriu sira, tuir proposta Governu nian ne’ebé hatur ona iha artigu 87 alínea b”, tenik komunikadu Prezidente Repúblika nian ne’ebé Agência TATOLI asesu, ohin.
Tanba ne’e, Prezidente Repúblika tuir artigu 87 alínea b nomeia Natércia Cipriana Coelho da Silva, ba kargu hanesan Embaixadora Timor-Leste ba ASEAN.
Embaixadora Coelho da Silva sei hela iha Jakarta, Indonézia durante nia mandatu.
Jornalista: Hortencio Sanchez
Editór : Zezito Silva
