iklan

EKONOMIA, INTERNASIONÁL, DILI, HEADLINE

AOTL husu Governu ho investór atu harii Otél ho andar lima ba leten

AOTL husu Governu ho investór atu harii Otél ho andar lima ba leten

Samitha Aluwihare. Imajen Tatoli /Egas Cristóvão

DILI, 20 setembru 2023 (TATOLI) – Konselleiru Asosiasaun Otél Timor Lorosa’e (AOTL), Samitha Aluwihare husu ba Governu Timor-Leste atu koopera hamutuk ho investór internasionál no lokál sira atu harii Otél ho andar lima to’o 10 ho objetivu atu prepara bainhira Timor-Leste adere ba membru permanente ASEAN.

Assosiasaun Otel Timor prefere halo kooperasaun ho Governu no Sekretáriu Perhimpunan Bangsa-Bangsa Asia-Tenggara (ASEAN) iha Timór-Leste hodi hasa’e infraestrutura Otél hodi prepara kondisaun antes Timor-Leste sai nu’udar membru permanente ASEAN.

“Bainhira Timor-Leste sai hanesan membru ASEAN, tenke iha infrastrutura Otél ne’ebé kualidade no iha kondisaun kompletu adekuadu atu fasilita konvidadu ASEAN bainhira hala’o atividade ASEAN nian iha Timór-Leste”, Konselleru Samitha Aluwihare dehan ba Agência TATOLI, iha Otél Timor, ohin.

Tuir dadus ne’ebé iha, Timor-Leste daudaun ne’e iha Otél hamutuk 400, ho totál kuartu 1200, tanba ne’e seidauk iha kondisaun ne’ebé sufisiente, entaun presiza aumenta.

Tanba ne’e, Samitha Aluwihare rekomenda ba Governu Timor-Leste atu bele investe ba Otél ho andar lima to 10, tanba Otél barak iha nasaun ne’e seidauk iha andar lima no 10.

“Ami iha membru 60 iha asosiasaun ami nian tanba ne’e ami presiza iha kooperasaun ho Governu no Sekretáriu ASEAN hodi ajusta programa Governu nian hodi aumenta tan Otél”, nia dehan.

Antes ne’e, Governu liuhosi Ministériu Negósiu Estranjeiru no Kooperasaun (MNEK) simu ona mapeamentu dalan ne’ebé Presidénsia Indonézia hatudu iha Labuan Bajo iha novembru 2022, ne’ebé rekere Timór-Leste atu hasa’e infraestrutura bázika hanesan telekomunikasaun, aeruportu, portu inklui Otél ne’ebé adekuadu.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!