iklan

INTERNASIONÁL, DILI, HEADLINE

Horta levanta importánsia hosi multilateral iha Nova Iorke

Horta levanta importánsia hosi multilateral iha Nova Iorke

Prezidente Repúblika, José Ramos Horta. Imajen Tatoli/Egas Cristóvão

DILI, 21 setembru 2023 (TATOLI) – Prezidente Repúblika, José Ramos-Horta, levanta kestaun hosi multilaterializmu bainhira partisipa iha sorumutuk nivél aas ba dala-26 ne’ebé organiza hosi Sentru Internasionál Nizami Ganjavi ho tema “Hakat ba futuru, hadia fali multilaterializmu” ne’ebé hala’o iha Nova Iorke.

“Ko’alia kona-ba importánsia hosi multilaterializmu hodi responde ba dezafiu sira hosi mudansa klimátika, ki’ak no dezigualdade”. tenik iha komunikadu ne’ebé Agência TATOLI asesu hosi media Gabinete Prezidensia Repúblika, ohin.

Xefe Estadu ko’alia mós kona-ba nesesidade atu hetan aprosimasaun foun ida ba relasaun internasionál, bazeia ba kooperasaun no diálogu, envez konflitu no konfrontasaun.

Eventu ne’e, realiza hanesan eventu ida-ne’ebé hala’o iha Asembleia Jerál Nasaun Unidas nian ba dala-78 iha Ótel Knickerbocker iha Nova Iorke, Estadus Unidus Amerika (EUA).

Hola parte iha eventu ne’e, Xefe Estadu no Governu hamutuk 30-resin hosi nasaun 40-resin, iha mundu tomak.

Sorumutu ne’e, ko’alia mós kona-ba dezafiu no oportunidade sira ne’ebé mundu hasoru iha sékulu 21 nia laran no oinsá bele uza multilaterializmu atu rezolve dezafiu sira-ne’e.

Importánsia hosi kooperasaun no diálogu entre nasaun sira ho nesesidade atu servisu hamutuk hodi harii mundu ida-ne’ebé justu no ekuitativu liu.

Sorumutuk ne’e, hanesan eventu ne’ebé susesu halibur lider sira hosi mundu tomak hodi ko’alia kona-ba dezafiu no oportunidade sira ne’ebé mundu hasoru agora.

Importante kona-ba oinsá bele utiliza multilaterializmu hodi rezolve dezafiu hirak-ne’e no liu hosi sorumutuk ne’e  ajuda atu promove kompriensaun di’ak liután kona-ba importánsia multilaterál nian.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!