iklan

EKONOMIA, INTERNASIONÁL, DILI, HEADLINE

TL kondena konflitu Rusia-Ukrania Impaktu ba komérsiu globál

TL kondena konflitu Rusia-Ukrania Impaktu ba komérsiu globál

Bandeira RDTL. Imajen/Espesiál

DILI, 22 setembru 2023 (TATOLI) – Prezidente Repúblika kondena makas konflitu boot ne’ebé akontese entre Rusia no Ukrania ne’ebé to’o ohin loron fó impaktu makas ba komérsiu globál.

Kestaun ne’e, Horta hato’o iha nia intervensaun bainhira partisipa Asembleia Jerál Organizasaun Nasaun Unidas (ONU) ba dala-78 iha Nova Iorke Estdus Unidus Amerika (EUA).

“Kona-ba Ukrania, Timor-Leste kondena invazaun, violasaun ba soberania no integridade territoriál no funu ne’ebé la’o daudauk ho konsekuénsia aat ba povu ukránia, povu Rúsia no ba mundu, tanba interompe komérsiu globál hodi rezulta falta ba sasán esensiál moris nian”, tenik Horta iha nia intervensaun liuhosi komunikadu ne’ebé Agência TATOLI asesu hosi media Gabinete Prezidénsia Repúblika, ohin.

Horta hatutan, dala ruma de’it maka bele rezolve hapara funu iha fatin sira hasoru malu ho kilat. Bainhira líder balu hateke tun ba adversáriu, balun seluk hanoin sira-nia kbiit maka boot liu no bainhira sira-nia hakaran aas liu sira-nia hanoin, bainhira sira la sura tuir funu la’o nafatin no isin-mate aumenta no mós kustu funu sa’e aas, susar oioin mós la para.

“Nune’e, funu bele la’o nafatin tinan ba tinan, ema mate no buat hothotu naksobu to’o momentu ema hotu kole no sira hotu hahú hanoin kona-ba oinsá hapara konflitu atu koko oinsá bele hakotu funu, hetan dame, ne’ebé bele hetan bainhira de’it parte no sorin hothotu barani atu hetan dalan klaran”, Horta konklui.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!