Top

MI retira proposta reativa membru PNTL 158 iha KM

Ministru Interiór, Francisco da Costa Guterres. Imajen Tatoli/Francisco Sony

DILI, 23 setembru 2023 (TATOLI) – Ministru Interiór Francisco da Costa Guterres deside no retira fali proposta reativasaun membru PNTL reformadu 158, tanba presiza reativa saláriu hafoin aprezenta hikas ba Konsellu Ministru atu halo aprovasaun.

Nia dehan, asuntu ida ne’e, MI ho Komandu Jerál sei diskute tanba kuandu seidauk reativa sira-nia saláriu, ida-ne’e mós problema, tanba ne’e, reativa uluk hafoin submete fali ba Konsellu Ministru.

“Ohin Konsellu Ministru extraordináriu, ami retira tiha proposta reativasaun ba membru PNTL reformadu 158. Ohin ami seidauk diskute iha Konsellu Ministru tanba komamdu ho Ministru Interiór iha hela diskusaun, ami sei avansa fali ba proposta ne’e iha semana oin”, Francisco da Costa Guterres hateten ba jornalista sira iha salaun CNE, Colmera, segunda ne’e.

“Ita presiza halo diskusaun didiak hodi nune’e trata ita-nian membru PNTL sira ne’e ho di’ak no dignifika sira”, nia informa.

“Tanba ne’e, presiza halo diskusaun didiak, buat hothotu los ona. Ita labele trata ita-nia PNTL sira hanesan ne’e, ita tenke fó valór no oinsá atu dignifika sira”, nia konklui.

Jornalista : Natalino Costa

Editór : Zezito Silva

Publisidade

Leave a Reply

Latest Post

error: Content is protected !!