iklan

NASIONÁL, INTERNASIONÁL, DILI, HEADLINE

Asanami simu relatóriu deskoberta hosi Fundasaun Ázia

Asanami simu relatóriu deskoberta hosi Fundasaun Ázia

Vise-Primeiru-Ministru, Ministru Koordenadór ba Asuntu Sosiál no Ministru Dezenvolvimentu Rurál no Abitasaun Komunitária, Mariano Assanami Sabino. Imajen TATOLI/Egas Cristóvão.

DILI, 26 setembru 2023 (TATOLI) – Vise Primeiru-Ministru, Ministru Dezenvolvimentu Rurál no Habitasaun Komunitária  (MDRHK), Mariano Assanami Sabino, simu relatóriu deskoberta xave hosi Reprezentante Fundasaun Ázia iha Timor-Leste Christine Bantung.

“Survey ne’ebé ami halo ne’e hanesan símbolu ida hodi apoiu Governu Timor-Leste, ne’ebé ohin ami hato’o ona ba Vise Primeiru-Ministru”, Christine dehan ba jornalista-sira iha Palásiu Governu, ohin.

Rezultadu Survey ne’ebé iha, sei apoiu Governu hodi halo polítika públika iha Timor-Leste bazeia ba povu nia opiniaun no sentimentu ne’ebé mak sira fó liuhosi survey ne’e.

Fundasaun Ázia mós agradese ba Governu Austrália ne’ebé suporta ona survey ida no agradese mós ba Vise Primeiru-Ministru ne’ebé fó ona oportunidade hodi introdúz rezultadu survey ida no ba oin Fundasaun Ázia hakarak kontinua ajuda Timor-Leste nia dezenvolvimentu iha futuru.

Misaun Fundasaun Ázia iha Timor-Leste

Fundasaun Ázia serbisu hamutuk ho sosiedade sivíl, komunidade no parseiru Governu iha Timor-Leste. Daudaun Fundasaun foka ba haforsa Governu no polítika, hapara violénsia hasoru feto, dezenvolve turizmu inkluzivu, no promove paz no justisa.

Programa Nabilan (Hapara Violénsia Kontra Feto) implementa husi Fundasaun Ázia ho objetivu ajuda feto no labarik moris livre husi violénsia no goza sira-nia direitu.

Nabilan kontribui ba objetivu ne’e liuhosi garante feto no labarik ne’ebé hetan violénsia bele asesu ba servisu ho kualidade no inkluzivu.

Programa ne’e mós apoia individu, komunidade no instituisaun atu foti asaun hodi redús violénsia hasoru feto no labarik.

Entre Janeiru 2015 to’o Dezembru 2018, parseiru programa Nabilan fornese servisu úniku hamutuk 31,857 ba feto no labarik, inklui referál, asistensia legál, teste médiku, uma mahon temporariu no longu-prazu, akonsellamentu, treinamentu hadi’ak abilidade moris, no apoiu reintegrasaun.

Programa Nabilan, parseria tinan ualu entre Governu Australia no Timor-Leste, ho prinsípiu fundamental maka feto no labarik nia direitu, no igualdade entre feto no mane.

Nabilan fiar katak violénsia kontra feto no labarik bele prevene. Programa ne’e serbisu iha kolaborasaun ho individu, komunidade, sosiedade sivíl, no governu ba mudansa iha longu prazu liuhosi pilár importante rua: servisu no norma mudansa sosiál. Programa no ninia atividade sira mai liuhosi peskiza ho inovativu ne’ebé hala’o kona-ba prevalensia no asaun krime kontra feto no labarik iha Timor-Leste.

Nabilan maka ajuda inisiativa hosi Australia no kolaborasaun serbisu ho Governu Timor-Leste liuhosi Ministéiru Solidaridade Sosiál no Inkluzaun no Sekretariu Estadu Igualdade no Inkluzaun no organizasaun sosiedade sivíl. Nabilan mós envolve servisu partisipatoriu iha nivél komunidade atu dezenvolve no teste abordajen foun hodi hadi’ak prevensaun no asesu sira ne’ebé atu apoia.

Aleinde ne’e, Fundasaun Ázia mós hala’o servisu kona-ba dezenvolvimentu turizmu inkluzivu.

Dezenvolve Timor-Leste nia setór turizmu mak xave hodi foka ba diversifika ekonomia nasaun nian ne’ebé dependende makas ba mina. Maske Timor-Leste iha buat barak mak bele oferese ba vizitante sira, maibe dezenvolve setór turizmu iha nasaun foun-liu iha rejiaun Ázia nian la sees husi obstákulu oioin hanesan bareira ne’ebé tenke ultrapasa liuhosi asaun rigorozu no serbisu parseria entre governu, setór privadu, no sosiedade Desde lansamentu primeiru ba nasaun nia Peskiza ba Vizitante sira mai Timor-Leste iha 2014.

Fundasaun Ázia apoia peskiza hodi aprezenta evidensia dadus kona-ba atividade turizmu, liuhosi ninia Programa Dezenvolvimentu Turizmu. Programa ne’e hari’i bazeia ba peskiza jerál, estratejia, polítika, estrutura, no relasaun estensivu ne’ebé dezenvolve ho Governu Timor-Leste, doadór sira no setór privadu.

Ho apoiu jenerosidade husi Ministéiru Asuntu Estranjeiru no Komérsiu Novazelandia nian (MFAT), agora dau-daun programa foka ba fornesimentu apoiu ba Ministéiru Turizmu no operadores xave iha industria ne’e, nomós implementa projetu ba dezenvolvimentu fatin destinu turistiku, ai-han, nomos turizmu kafe.

Programa ne’e kometidu hodi fasilita no kontribui ba indikadóres ne’ebé alineadu iha objetivu polítika nasionál turizmu TimorLeste 2030.

Koletivu ne’ebé konkretu iha maneira ida partisipatoriu no inkluzivu.

Fundasaun apoia dezenvolvimentu no hadia sasán rigorozu no matadalan ba kolesaun dadus no sidadaun nia envolvimentu, fornese finanseiru no apoiu tékniku ba ONG hodi implementa projetu auditoriu sosiál iha nasaun laran, no serbisu atu garante katak rezultadu sira iha atuasaun no foti ba iha dadus hodi uza durante halo polítika, kolabora besik liutan ho Unidade Auditoriu Sosiál iha Gabinete Primeiru Ministru Timor-Leste.

Aleinde ne’e, Fundasaun Ázia mós iha servisu seluk kona-ba promove paz, apoiu politika públiku ne’ebé di’ak no haforsa Governasaun kontavél.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!