iklan

INTERNASIONÁL, DILI, HEADLINE

Governu ho PNUD asina akordu reforsa judisiária

Governu ho PNUD asina akordu reforsa judisiária

Logotipu UNDP

𝐃ILI, 26 setembru 2023 (TATOLI) – Primeiru-Ministru Interinu, Mariano Assanami Sabino, selebra akordu ida ho Ajénsia Internasionál ba Programa Dezenvolvimentu Nasaun Unidas (PNUD) kona-ba reforma judisiária iha Timor-Leste.

“PNUD prontu nafatin ajuda Primeiru-Ministru, Vise-Primeiru Ministru, Ministru Justisa ho ministru relevante sira ne’ebé ho atividade sira ne’ebé PNUD apoia hela iha Timor-Leste”, Reprezentante PNUD iha Timor-Leste, Caitlin Wiesen dehan ba jornalista-sira iha Palásiu Governu, ohin.

PNUD mantein apoia atividade sira ba asesu justisa ho di’ak liu iha Timor-Leste.

PNUD mós kontinua tulun Timor-Leste iha reforma judisiária tanba ida ne’e kompromisu boot ne’ebé iha ona sira-nia programa no prontu atu apoiu iha área saida de’it mak Governu presiza atu aselera dezenvolvimentu Timor-Leste nian.

“Ida ne’e meiu ida ba Timor-Leste atu kontinua halo servisu atu atinje dezenvolvimentu sosiál”, nia hatete.

Antes ne’e, Governu Timor-Leste, liuhusi Sekretária Estadu Fortalesimentu Institusionál (SEFI) no Programa PNUD, iha loron 16 Abril 2015 asina akordu hodi apoia programa Diagnóstiká Nasionál no Fortalesimentu Institusional Nivél Lokál.

PNUD fó apoiu tékniku hosi péritu fortalesimentu institusionál nian no peritu diagnóstiku nasional hodi dezeña estratejia no konteúdu ba fortalesimentu no mós apoiu hodi dezeña metodoljia no instrumentu hodi implementa programa diagnóstiku nasionál.

Orsamentu ba koperasaun ne’e ho totál  $ 500,000 mai hosi Orsamentu Jerál Estadu 2015.

Kunteúdu hosi kustu ne’e uza hodi hala’o ativadade programadu sira, ne’ebé refleta iha Dokumentu Programa Kooperasaun “Sub-National Governance and Development Programme, 2014-2018” entre SEFI ho PNUD, asina iha Juñu 2014.

Ho programa ne’e, bele garante katak bainhira implementa munisípiu iha 2018, pesoal sira sei jere no presta servisu ho maneira akuntavel, transparente no efisiénte.

Iha tempu ne’ebá, Ministériu Estadu, Koordenadór Asuntu Administrasaun Estado no Justisa/ Ministru Administrasaun Estatal, Dionisio Babo konsidera, akordu entre Governu Timor-leste no PNUD, nu’udar programa kuntinuasaun husi polítika V Governu, ne’ebé antes ne’e realiza tiha ona entre SEFI ho PNUD iha 2014, kona-ba harii kapasidade iha programa pre deskonsentrasaun.

Atu hamosu kapasidade administrativu no jestaun ne’ebé aliña ho sistema Governu efisiente, responsavél no efikaz ba boa-governasaun hosi nivel nasionál to lokál.

PNUD sei kontinua atu hala’o ninia rede-servisu polítika globál no rejionál durante moris tomak, hosi programa ne’e, atu fornese koñesimentu no lisaun sira ne’ebé sei prova valór sira ba implementasaun efikás hosi reforma desentralizasaun nasaun ne’e ninian.

Planu Dezenvolvimentu Estratéjiku Timor-Leste ba tinan 2011-2030, aliña ho provizaun konstitusionál ba dezentralizasaun, liuhosi fortalesimentu Instituisaun Estadu sira, kria oportunidade ba partisipasaun demokrátiku lokál.

Kompromisu ida-ne’e, refleta tiha ona iha programa dezentralizasaun tinan lima tuir mai, liuhosi estabelesimentu pelu-menus munisípiu lima iha tinan 2017 nia rohan.

Partisipa mós iha serimónia ne’e, Francisco Soares Burlaku, Diretora Interina UNDP  no reprezentante  Governu no reprezentante seniór hosi instituisaun Estadu sira, inklui Parseiru ba Dezenvolvimentu no funsionáriu PNUD no organizasaun Nasaun-Unidas sira-seluk.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!