Top

Komandu PNTL aseita simu hikas membru PNTL reforamadu 158

Segundu Komandante PNTL, Komisáriu Polísia, Pedro Belo. Imajen Agência TATOLI/Natalino Belo.

DILI, 28 setembru 2023 (TATOLI) – Segundu Komandante Jerál Polísia Nasionál Timor-Leste (PNTL), Komisáriu Polísia Pedro Belo, hateten Komandu PNTL aseita simu hikas membru PNTL reformadu na’in 158, hodi toma fali sira nian funsaun hanesan membru PNTL ativu.

“Komandu aseita atu simu hikas membru PNTL reformadu na’in 158 hodi halo fali sira-nia funsaun hanesan membru PNTL ativu, tanba buat ida desizaun kuandu tún ona ne’e ita labele dehan la aseita fali. Desizaun ne’ebé sai ona hosi Konsellu Ministru la iha ema ida atu kontra kontra fali ida ne’e”, Pedro Belo hateten ba jornalista sira hafoin partisipa workshop ba revizaun kuríkulum no rekrutamentu insititusaun PNTL, ne’ebé halao iha Sentru Formasaun Polísia (CFP, sigla portugés), Comoro, kinta ne’e.

Hatan kona-ba membru 158 sei koloka iha ne’ebé, Pedro Belo diskorda fó komentáriu kle’an kona-ba asuntu ne’e tanba buat hotu sei iha hela prosesu diskusaun ho Governu.

Governante ne’e dehan, mekanizmu kolokasaun ba membru 158 sei koalia ho Komandu Jerál PNTL.

“Ha’u sei koalia ho komandu para haree sira-nia mekanizmu liuliu ba kolokasaun membru sira ne’e no ida ne’e ami sei fó sai ba ita bo’ot sira atu hatene”, nia konklui.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!