iklan

EKONOMIA, BAUCAU, HEADLINE, MUNISÍPIU

Serbisu agrikultura distribui fini hare rai-maran iha Baucau

Serbisu agrikultura distribui fini hare rai-maran iha Baucau

Funsionáriu Serbisu Munisipál Agrikultura Baucau, prepara fini hare rai-maran atu distribuí ba komunidade agrikultór iha Baucau, sesta (29/09). Imajen Agência TATOLI/Natalino Belo.

BAUCAU, 29 setembru 2023 (TATOLI) – Serbisu Munisipál Agrikultura Baucau distribui fini hare rai-maran hamutuk tonelada tolu ba agrikultór iha munisípiu Baucau.

Diretór Serbisu Munisipál Agrikultura Baucau, Moises Lobato Pereira, esplika, fini hare refere tuir planu distribui iha tinan-2022 maibé tanba tarde entaun realiza fali iha iha tinan-2023 hodi kontinua kuda iha époka tinan-ne’e.

“Ami distribui ona balun ba postu sira-ne’ebé mak hanesan área potensiál ba haree rai-maran,” Diretór Serbisu Munisipál Agrikultura Baucau hateten iha Vila Nova, sesta ne’e.

Agrikultura Baucau deside distribui ba komunidade agrikultór ne’ebé hela iha área potensiál ba kuda hare rai-maran iha époka tinan-ne’e iha postu admistrativu neen ne’ebé lokaliza iha Baucau.

Programa kuda fini hare rai-maran foin dahuluk governu implementa liuhosi diresaun nasionál agrikuktura no ortikultura hodi distribui ba munisípiu iha territóriu hotu inklui munisípiu Baucau.

“Hare lokál ne’ebé mak durante ne’e eziste iha Timor-Leste, entaun ministériu sosa maibé ami seidauk hatene espesifikasaun ba hare ne’e naran saida, ami seidauk hatene,” Moises Perreira akresenta.

Hosi estoke ne’ebé iha, Serbisu Munisipál Agrikultura Baucau distribui ona fini hare rai-maran ba postu administrativu Quelicai, Venilale, Vemasse no Baucau Vila, enkuantu postu administrativu Baguia no Laga sei iha faze identifikasaun.

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!