Top

UPM konsege asegura ró peska ilegál ida iha Lautém

Imajen facebook

DILI, 29 setembru 2023 (TATOLI) – Komandante Unidade Polísia Marítima (UPM), Superintendente Eugénio Pereira, dehan UPM foin daudaun servisu ho Komandu PNTL Lautém  ne’ebé hetan tulun hosi Autoridade lokál Tutuala no Guarada Florestál, Munisípiu Lautém asegura ró ida hosi Indonézia halo peska ilegál iha área tasi Tutuala Munisípiu Lautém.

Kazu ne’e akontese iha tersa (26/9), iha ne’ebé ró ida tama mai iha tasi parte Tutuala hodi halo atividade peska illegal, nue’e sira informa kedan ba Komandu PNTL Lautém hodi halo intervensaun.

Iha momentu ne’e kedan, Komandu PNTL Lautém informa ba Unidade Polísia Marítima (UPM)  no UPM liuhosi kompañia Charlie ho ró ba kedan Tasi Tutuala hodi halo kedan intervensaun  hamutuk ho autoridade Tutuala konsege asegura kedan ró ne’ebé mak halo atividade peska iha fatin ne’ebá.

“Ho atividade peska ne’e, Komandante kompañia Carles Polísia Unidade Marítima hamutuk ho nia membru sira apoiu Komandu Munisípiu Lautém no autoridade inklui Guarda Floresta rapidamente ba kedas iha Tutuala Valu Sere hodi halo observasaun no asegura kedas ró ilegál ne’e”, Superintendente Eugénio Pereira, jornalista iha Kuartel Jerál PNTL, Caicoli, sesta ne’e.

Nia dehan, iha prosesu identifikasaun ba ró ne’e, ró ne’e mai hosi Indonézia foin tama mai tasi mane área Valu-Sere Tutuala hodi halo atividade peska illegál.

“Durante identifikasaun iha provas hatudu katak ró ne’e tama illegal hodi tama iha tasi mane parte Tutuala nian hodi halo atividade peska illegál”, nia informa.

“Agora daudaun ró ne’e nia muda ona nia posizaun hosi tasi ba fali iha tasi Indonézia nian nian”, nia adianta.

Superintendente Eugénio Pereira iha biban ne’e, hateten ho akontesimentu ida-ne’e, Komandu Unidade Polísia Marítima mai kedas ho nia planu Navegasaun hodi bele orienta efetivu Unidade Polísia Marítima nian.

“Desde loron rua ona, Unidade Polísia Marítima ho nia efetivu, ha’u labele mensiona naran tanba númeru tanba kestaun tékniku operasionál halo kedan kontrola no mós halo patrollamentu iha área ne’ebé mak iha indikasaun peska illegál”, nia dehan.

“Agora daudaun ita-nia efetivu sira sei destaka iha área tasi Tutuala hodi halo prevensaun peska ilegál iha area refere”, nia afirma.

Komandante Eugénio hateten, membru UPM ho ró agora daudaun kontinua halo patrolllamentu iha tasi Tutuala nian hodi kontrola atividade peska ilegál.

“Ami sempre fó vijilánsia ba ita-nia tasi mane no mós ba teritóriu Timor-Leste hodi kontrola ba peska ilegál sira. Kuandu peskadór ilegál sira uza forsa mak ita-nia membru UPM mós prontu hasoru tuir situasaun ne’ebé mak ita iha rasik”, nia dehan.

Nia subliña, kona-ba fasilidade atu kontrola iha tasi, Komandante UPM dehan ró ne’ebé membru UPM daudaun uza hodi halo kontrolu iha tasi Tutuala ne’e iha kondisaun no nesesáriu para halo konstrolu ba tasi tanba UPM só iha de’it falisidade ida-ne’e.

Jornalista: Natalino Costa   

Editór : Zezito Silva

Publisidade

Leave a Reply

Latest Post

error: Content is protected !!