Top

Vizita Boxe Lendáriu Manny Pacquiao dada joven

Boxista Profisionál hosi Filipina, Manny Pacquiao. Imajen Tatoli/Francisco Sony

DILI, 29 setembru 2023 (TATOLI) – Komandante Polísia Nasionál Timor-Leste (PNTL), Komisariu Jerál Henrinque da Costa, dehan vizita Boxista Lendáriu Manny Pacquiao bele dada joven sira atu tama boxe, hodi evita instabilidade iha rai-laran.

“Ita husu para bele nafatin vizita mai iha Timor-Leste atu nune’e bele promove mós boxe. Ita hatene katak ita-nia rai, ita iha arte marsiál barak, balun dala ruma kria instabilidade, kria problema, maibé ho prezensa Señor Manny Pacquiao, ita espera ke bele dada joven sira tama iha boxe para bele reprezenta Timor-Leste iha eventu nasaionál, rejionál no internasionál”, Komisáriu Jerál Herinque da Costa dehan bainhira Boxista Manny Pacquiao halo vizita espesiál ba Kuartel Polísia Nasionál Timor-Leste (PNTL), Caicoli, sesta ne’e.

Nia haktuir, Manny Pacquiao promote sei fila fali mai Timor-Leste ho intesaun atu dezenvolve duni boxe iha rai ida-ne’e.

“Nia mós hateten katak depois remata vizita ida ne’e, nia sei buka fali tempu, tinan oin  nian sei nafatin vizita ida-ne’e, atu nune’e hodi promove boxing iha Timor-Leste. Ohin Señor Manny Pacquiao mós promete katak nia iha intensaun ida katak hakarak dezenvolve duni boxe iha Timor,”nia adianta.

Iha vizita ida-ne’e, Manny Pacquiao mós husu ba Komandu Jerál atu fó seguransa ho profisinál ba povu no nasaun.

“Ho vizita ne’e, nia mós fó mensajen ba ita-nia polísia sira para nafatin asegura seguransa iha rai ida-ne’e, depois hala’o ita-nia servisu ho profisionál”, Herique haktuir.

Iha fatin hanesan, Boxista Filipina Manny Pacquiao agradese ba Komandu Jerál tanba bele simu nia hodi mai vizita iha instituisaun PNTL.

“Ha’u husu obrigadu ba jenerál, obrigadu mós ba Governu, tanba bele simu ha’u ho di’ak. Ida ne’e hanesan ha’u-nia vizita dahuluk iha ne’e, ha’u sente viajen ida ne’e di’ak tebes no hosi vizita ida iha ne’e minute ikus ha’u hakarak hato’o ha’u nia agradesimentu ba imi, kontinua imi dedikasaun hodi fó seguransa ba povu ida-ne’e, imi servisu makas nafatin, ha’u husu de’it katak imi kontinua servisu ne’e ho di’ak”, nia revela.

Jornalista: Natalino Costa   

Editór : Zezito Silva

Publisidade

Leave a Reply

Latest Post

error: Content is protected !!