TL-Brunei hametin liután relasaun bilaterál
DILI, 02 outubru 2023 (TATOLI) – Vise-Primeiru Ministru, Ministru Koordenadór Asuntu Sosiál eno Ministru Dezenvolvimentu Rurál no Habitasaun Komunitária, Mariano Assanami Sabino, enkontru ho embaixadór Brunei Darussalam iha Timor-Leste hodi kontinua hametin relasaun bilaterál ne’ebé antes ne’e iha ona.Embaxadór Brunei Aiman Mohamed, hatete Brunei Darussalam nia relasaun diplomátika ho Timor-Leste di’ak tebes, dezde 2002.
“Ita-nia relasaun ne’ebé di’ak tebes, ami hakarak hamutuk ho Timor-Leste hodi dezenvolve setór sira ne’ebé ita presiza servisu hamutuk, ita labele depende de’it ba indústria mina no gas, maibé ita presiza dezenvolve ekonomia, liuhosi setór turizmu no sira seluk tan”, Aiman dehan ba jornalista sira iha Palásiu Governu, ohin.
Nia hatutan, Primeiru-Ministru, Kay Rala Xanana Gusmão, iha relasaun di’ak tebes ho Liurai Brunei Darussalam ho nune’e nasaun rua nia relasaun la iha duvida.
Tanba ne’e, ba oin, rai rua ne’e sei hametin liután relasaun bilaterál ne’ebé antes ne’e hatur ona.
Jornalista: Hortencio Sanchez
Editór : Zezito Silva
