iklan

JUSTISA, DILI, HEADLINE

TL seidauk iha lei ba rejistu kazamentu sivíl no divórisu 

TL seidauk iha lei ba rejistu kazamentu sivíl no divórisu 

Ministru Justisa em-ezersísiu, Paulo Manuel da S. dos Remédios. Imajen Tatoli/Egas Cristóvão

DILI, 04 outubru 2023 (TATOLI) – Vise Ministru ba Fortalesimentu Insitusionál Paulo Manuel dos Remédios, hateten Timor-Leste seidauk iha lei kona-ba rejistu kazamentu sivíl no divórsiu.

“Ita iha kódigu rejistu sivíl maibé atu rejistu kazamentu, divórisu ne’e ita la iha lei, hahú Governu primeiru to’o agora ita iha ona proposta lei ida maibé ita nunka halo aprovasaun”, Vise Ministru dehan ba Agência TATOLI iha Faról, foin lalais ne’e.

Tanba ne’e, hanesan membru Governu ne’ebé responsabiliza prosesu sira-ne’e hotu kompromete antes tama dezembru tenke aprezenta proposta kódigu modernu ba rejistu sivíl atu diskute no halo aprovasaun.

“Ema rejistu sistema kazamentu sivíl ita la konsege, to’o agora Ministériu Justisa la konsege tanba la iha kódigu rejistu sivíl, ida-ne’e ita sei halo proposta foun ho dekretu lei de’it, tanba ita haree mós ema rejistu barlakeadu la konsege rejistu kódigu sivíl dehan simu mamuk hela, to’o agora Ministériu Justisa só rejistu de’it mak kazamentu Katóliku, kazamentu sivíl la konsege, maibé ita halo kazamentu sivíl iha Indonézia, Austrália bele maibé iha Timor-Leste labele tanba lei la iha”, nia hatete.

Nia hatutan, komplikadu bainhira kódigu sivíl fó dalan maibé kódigu rejistu sivíl la iha, seidauk aprova no iha mandatu ida-ne’e sei esforsu hodi halo aprovasaun.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!