Liga futsal: Mauputar FC lidera tabela klasifikasaun provizória

DILI, 09 novembru 2023 (TATOLI) – Ekipa primeira divizaun Liga Futsal Timor-Leste Mauputar FC lidera provizória tabela klasifikasaun ho pontu 18.

Mauputar lidera tabela klasifikasaun bainhira kompleta ona nia jogu hamutuk neen, iha jogu neen ne’e, manán dala neen, lakon la iha no empata la iha.

Enkuntu klube ne’ebé okupa iha pozisaun da-ruak mak Ramelau FC ho pontu 18 maibé kompara golu ho Mauputar golu barak liu maske iha jogu dala neen manán hotu no la iha lakon no empata.

Okupa iha pozisaun da-tolu mak Caesardante FC ho pontu 10 joga dala neen manán tolu lakon ida no empata rua. AD. Samoro okupa pozisaun da-haat ho pontu sia joga dala tolu manán dala tolu no lakon laiha.

Iha pozisaun da-lima okupa hosi Gamer FC ho pontu sia joga dala neen, manán tolu lakon tolu, pozisaun da-neen okupa hosi Mushila FC ho pontu hitu joga dala neen manán dala rua empata ida no lakon dalarua.

Pozidaun da-hitu okupa hosi São Francisco Xavier ho pontu neen jogada dala neen, manán dala rua lakon dala haat, pozisaun da-ualu okupa hosi Boa Sorte FC ho pontu neen, joga dala neen, manán rua lakon haat empata laiha.

Pozisaun da-sia okupa hosi Becusse United FC ho pontu neen, manán rua lakon haat empata laiha no pozisaun ikus liu okupa hosi Jerman FC ho pontu zero manán laiha empata laiha no lakon neen.

Jornalista: Hortencio Sanchez

Editór : Zezito Silva