DILI, 16 novembru 2023 (TATOLI) – Jornada Liga Futsál Timor-Leste to’o ona jogu ualu ba ekipa primeira divizaun Ramelau FC hadau hikas pozisaun primeiru ho pontu 22 hodi lidera provizóriu tabele klasifikasaun.
Iha Ramelau nia jogu hamutuk ualu manán hitu, empata ida no lakon zero.
Bainhira lidera tabela klasifikasaun provizóriu, Ramelau tebe tun Mauputar ba pozisaun segundu ho pontu hanesan 22 maibé Ramelau hatama golu barak liu kompara ho Mauputar maibé Mauputar kompleta ona jogu hamutuk ualu manán hitu, empata ida no lakon zero.
Enkuantu iha pozisaun da-tolu okupa hosi Caesar Dante FC ne’ebé gaña ona pontu hamutuk 16 hosi joga dala ualu manán lima, empata ida no lakon rua.
Iha pozisaun da-haat okupa hosi Mushila FC ho pontu 13 kompleta ona jogu ualu manán haat, empata ida no lakon tolu.
Pozidaun da-lima okupa hosi AD. Samoro ho pontu 10 iha jogu hamutuk ualu lakon haat, empata ida manán tolu, pozisaun da neen okupa hosi Boa Sorte FC ho pontu 10 kompleta jogu ualu manán tolu lakon haat no empata ida.
Pozisaun da-hitu okupa hosi São Francisco Xavier ho pontu sia hosi jogu hamutuk ualu lakon lima, manán tolu empata zero, pozisaun da-ualu okupa hosi Gamer FC ho pontu sia jogu dala ualu manán tolu, lakon lima no empata zero.
Pozisaun da-sia okupa hosi Bekusse United FC ho pontu neen jogu dala ualu manán rua lakon neen, empata zero, pozisaun ikus liu okupa hosi Jerman FC ho pontu zero joga dala ualu lakon ualu empata no manán laiha.
Jornalista: Hortencio Sanchez
Editór : Zezito Silva
