NASIONÁL, DILI, HEADLINE

Water Aid husu komunidade labele so’e lixu arbiru

Water Aid husu komunidade labele so’e lixu arbiru

Lixu espalla iha estrada kapitál Dili, segunda (27/06/2023). Imajen/António Daciparu

DILI, 17 novembru 2023 (TATOLI)-Organizaunn Naun Governamental Water Aid Timor-Leste husu ba populasaun atu labele so’e fo’er arbiru nune’e bele garante ambiente ne’ebé moos no seguru ba ema-nia saúde.

Seniór Advokasia husi Water Aid Timor-Leste, José Amaral, hato’o pedidu ne’e, relasiona ho selebrasaun loron mundiál sanitasaun ne’ebé tinan  ne’e sei selebra iha loron 19 fulan-novembru 2023 ho tema maka “Aselera Mudansa”.

“Bainhira ita iha ona sintina bele kontribui ba iha redusaun moras hanesan diarea. Haris fatin importante atu ita dignifika ita nia-aan iha sosiedade,” José Amaral, hateten ba Tatoli, iha Bairu- Grilos Dili.

Timor-Aid mós halo kampaña ba populasaun no estudante sira iha munisípiu Liquiça no Manufahi kona-ba importánsia hosi utiliza sanitasaun hodi prevene moras diarea.

“Importante liu mak ita kontinua halo kampanã atu sensibiliza populasaun hodi bele hatene kona-ba importánsi uza sanita iha uma no fatin públiku sira hodi kontribui ba ema-nia saúde,” nia hateten.

Tuir dadus hosi Water Aid Timor-Leste, munisipiu rua deklara livre ona husi aréa la so’e fo’er arbiru (ALFA) hanesan munisípiu Liquiça uma-ka’in 15.184 no Manufahi uma-ka’in 8.047 iha sintina.

Jornalista: Jesuína Xavier

Editor: Florencio Miranda Ximenes

iklan
iklan

Leave a Reply

iklan
error: Content is protected !!