iklan

NASIONÁL, DILI, HEADLINE, KAPITÁL

Rodrigo Ximenes: hamatak ai-funan iha jardín sira presiza kanalizasaun bee

Rodrigo Ximenes: hamatak ai-funan iha jardín sira presiza kanalizasaun bee

Reabilitasaun jardín Faról.

DILI, 23 novembru 2023 (TATOLI) – Rodrigo Urbano Ximenes, hanesan funsionáriu iha Departamentu Água no Saniamentu  iha Autoridade Munisípiu Díli, konklui ona nia formasaun kona-bá tékniku jardineiru iha Portugál, hodi kuda no trata ai-funan iha jardín atu kapitál Dili sai buras no matak.

“Iha formasaun ne’e, ami aprende fila rai oinsá bele halo adubu orgániku husi ai-tahan ho rai hodi rega no taka atu kuda ai-funan no ai-horis bele utiliza feramenta no mákina hodi kuidadu jardín sira sai buras no matak iha kapitál Dili”, Jardineriu ne’e hatete ba Agência TATOLI iha Caicoli.

Notísia relevante: Funsionáriu AMD na’in-rua konklui ona formasaun jardineiru iha Portugál

Jardineiru ne’e sente kontete bele partisipa formasaun iha Portugál liuhusi koperasaun Uniaun Sidade Lian Portuges (UCCLA, sigla iha portugés) no munisípiu Lisboa ho Díli hodi hala’o formasaun atu bele dezenvolve jardín iha kapital.

Iha oportunida ba formasaun ne’e, nia afirma konsege observa diferénsia jardin no fasilidade sira, tamba buat hotu diferente iha formasaun ne’e, tanba jardin iha Portugal iha fasilidade, maibé jardin iha Timor-Leste laiha fasilidade hanesan bee no koa ai-funan kontinua uza tizoura.

Jardineiru ne’e dehan, atu kuida jardín sira iha kapitál Dili presiza kanalizasaun bee ne’ebé sufisiente iha kada jardín sira atu ai-funan sira kontinua buras no matak.

“Ita haree kapitál Dili ne’ebé manas, ema laiha konsiénsia no sama nafatin ai-funan no du’ut , nune’e jardín sira ema haree ladun furak no matak”, nia afirma.

Notísia relevante: Funsionáriu AMD partisipa iha formasaun dalen portugés

Jornalista: Jesuína Xavier

Editór     : Florencio Miranda  Ximenes

iklan
iklan

Leave a Reply

iklan
error: Content is protected !!