DILI, 23 novembru 2023 (TATOLI)–Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hateten iha suku Molop ne’ebé rezultadu votu kandidatura na’in-rua empata ho 337 ne’e, realiza ona eleisaun terseira volta iha segunda (20 novembru 2023).
Notísia Relevante: Rezultadu Eleisaun Suku volta daruak iha Molop empata
“Rezultadu eleisaun empata iha suku Molop, postu no munisípiu Bobonaro ne’e realiza ona eleisaun terseira volta, no aldeia tolu seluk mós realiza ona,” Acilino Manuel Branco hateten ba Agência Tatoli iha nia kna’ar fatin Caicoli, kinta ne’e.
Nia hateten aldeia ida iha Covalima, Manufahi no ida iha Lautém mós iha ona xefe aldeia eleitu tanba realiza tiha ona eleisaun iha semana kotuk.
“Ita iha hotu ona xefe suku no xefe aldeia eleitu ba períodu ne’e, nune’e iha 28 novembru bele simu pose,” nia dehan.
Tanba, tuir nia, molok tama iha 24 novembru tenke iha ona lista xefe suku no xefe aldeia eleitu iha territóriu nasionál.
Notísia Relevante: Prezidente meza iha autoridade realiza eleisaun terseira ronda ba suku empata
Jornalista : Osória Marques
Editór : Cancio Ximenes
