iklan

NASIONÁL, DILI, HEADLINE, SOSIEDADE SIVĺL

CI-HWPL asina akordu implementa programa jornalizmu ba pás no edukasaun jornalizmu

CI-HWPL asina akordu implementa programa jornalizmu ba pás no edukasaun jornalizmu

Imajen/espesial

DILI, 24 novembru 2023 (TATOLI) – Konsellu Impresa Timor-Leste (CITL, sigla Portugés) asina akordu ho Heavenly Culture, World Peace, Restoration of Light (HWPL) hodi implementa programa jornalizmu ba pás no edukasaun jornalizmu iha tinan 20224.

HWPL nu’udar ONG internasionál ida hosi Korea do Súl ne’ebé nia atuasaun bai ha kauza pás global no halo asaun hapara funu.

Akordu kooperasaun ne’e nu’udar kompromisu ida hosi enkontru entre CI ho delegasaun HWPL iha loron 1 agostu 2023 no partisipasaun CI iha komemorasaun aniversáriu HWPL ba-dala IX iha Korea do Súl iha loron 18 setembru 2023.

“Akordu ho HWPL ne’e importante loos atu implementa programa jornalizmu ba pás no edukasaun jornalizmu iha tinan 20224 iha Timor-Leste liuhosi formasaun sira. Nune’e ita agradese tebes ba delegasaun HWPL ne’e ho komitementu di’ak tebes hodi asina akordu ho CI,” Prezinde Konsellu Imprensa Timor-Leste, Otelio Ote, hatete liuhosi diskursu iha seremónia asina akordu iha salaun Golden Star,Audian-Dili.

Objetivu hosi akordu ne’e, nia dehan atu hasa’e kapasidade jornalista no instituisaun media, espesífiku hasa’e abilidade jornalista hato’o reportajen no informasaun ne’ebé liga ba konflitu funu zona konflitu ba iha públiku ho jornalizmu ba páz.

Iha akordu ne’e, nia dehan ho HWPL iha  kompromisu hodi fó asisténsia tomak ho sentidu preparasaun hakerek matadalan ba media literásia, jornalizmu ba pás no formasaun ne’ebé hala’o iha Dili.

Iha fatin hanesan, Reprezentante HWPL, Jennifer Choi, aprezenta katak nia delegasaun HWPL servisu no konsentra ba iha Projetu Xanana Sport Center Event Hall, Projetu Public Peace Arts no Projetu Dili ba sidade pás.

“Ami hakarak ita hamutuk transforma Dili sai sidade ba pás. Imi sai lian ba pas ba ema hotu. Ida ne’e mak ami nia esperansa atu serbisu hamutuk liuliu asina akordu ho CI ne’e”, nia afirma.

Seremónia asina akordu ne’e partisipa direta hosi responsavél insitutisaun media sira, organizasaun jornalista sira no jornalista.

Jornalista: Jesuína Xavier

Editór      : Florencio Miranda Ximenes

iklan
iklan

Leave a Reply

iklan
error: Content is protected !!