iklan

NASIONÁL, DILI, HEADLINE, KAPITÁL

Dezembru, empreza Junedy finaliza konstrusaun estrada iha Fatuhada

Dezembru, empreza Junedy finaliza konstrusaun estrada iha Fatuhada

Kondisaun ponte asesu entre edifísiu Fundasaun Ahisaun, Fatuhada, ho estrada, iha kinta (08/04). Imajen TATOLI/Natalino Costa

DILI, 27 novembru 2023 (TATOLI) – Empreza Konstrusaun Junedy, LDA, hala’o konstrusaun estrada no valeta iha Fatuhada besik ETDA, nune’e sei finaliza iha dezembru, tanba konstrusaun atinje ona porsentu 95 .

“Ami promete semana ida ne’e ami chor hotu ona, tama dezembru nia laran ne’e movimentu sei la’o normal, tanba obra atinje porsentu 95”, Diretór Ezekutivu Quintiliano Soares, hateten Tatoli-Dili.

Konstrusaun ne’e atrazu liu, nia afirma tanba iha difikuldade tolu mak empreza enfrenta liuliu ba mudansa estrutura servisu husi Diresaun Ministériu Obras Públiku (MOP)  nian, alterasaun ba dezeñu no BOQ no kondisaun rai  ne’e mak tahu demais no mamar.

“Alterasaun ba dezeñu ne’e mak atraza hodi dada tempu ami hein. Servisu administrasaun han tempu besik fulan neen. Maibé ami nia kontratu iha tinan kotuk”, nia refere.

Daudaun ne’e, nia afirma empreza mos seidauk hetan pagamentu husi Governu, dala ruma obra ne’e konklui ho estrada ho metru 59 inklui moru ba baleta.

Osan ba konstrusaun estrada no valeta refere hamutuk rihun $209, ne’ebé hahu iha tinan kotuk husi fulan outubru 2022 to’o maiu 2023 ho durasaun fulan-neen.

Jornalista: Jesuína Xavier

Editór      : Florencio Miranda Ximenes

iklan
iklan

Leave a Reply

iklan
error: Content is protected !!