iklan

NASIONÁL, DILI, HEADLINE, KAPITÁL

Dezembru, Empreza Chettlyne finaliza reabilitasaun jardín Motael

Dezembru, Empreza Chettlyne finaliza reabilitasaun jardín Motael

Trabailladór sira hosi Kompaña Vari Violet Unipesoal Lda, reabilitasaun ba Jardin Motael Dili, tersa (21/11). Imajen Tatoli/Francisco Sony

DILI, 29 novembru 2023 (TATOLI)– Tékniku Kompaña Chettlyne Construction Lda, Porfirio Arthur Atya, informa katak reabilitasaun Jardín 12 Novembru iha Motael, daudaun atinje ona pursentu 70, nune’e sei finaliza iha loron 15 dezembru 2023.

“Ami simu kontratu servisu iha loron 26 outubru husi Ministériu Komersiu no Indústria (MKI) hodi hahú reabilitasaun jardín 12 novembru iha motael, ne’ebé sei termina iha 15 dezembru agora”, informa Tékniku ne’e ba Agência TATOLI iha Motael-Dili.

Traballador sira hala’o mantensaun ba Jardin Motael Dili, tersa (21/11). Imajen Tatoli/Francisco Sony

Nia afirma progresu reabilitasaun atinje ona 70% tuir dezeñu no Bill Off Quantity (BOQ) hosi Governu.

“Daudaun ne’e, ami halo hela reabilitasaun hanesan halo kanalizasaun bee atubele rega ai-funan, taka paviu, kuda ai-funan, hadi’a perfurasaun bee, haris fatin no lampu eletrisidade ka iluminasaun iha jardín”, nia afirma.

Tékniku hateten dezeñu foun husi MKI ne’ebé mak entrega ba empreza atu konstrui foun mak uma gazebo ba fatin tuur iha jardín.

“Ami mós halo kanalizasaun bee atu rega jardín ka ai-funan no uma oan sira ka gazebo lima iha jardín hodi bele fó mahon ba ema sira ne’ebé hakarak vizita fatin ne’e”, katak.

Husu kona-ba posibilidade ka garante atu konklui obra iha jardín 12 novembru, nia afirma esforsu atu termina iha 15 dezembru tanba reabilitasaun hela de’it pursentu 30.

“Agora, ami tenke esforsu maka’as atubele termina tanba MKI ezije ami atu konklui no entrega obra ne’e iha loron 31 dezembru”, nia garante.

Jornalista   : Jesuína Xavier

Editór           :   Florencio Miranda Ximenes

iklan
iklan

Leave a Reply

iklan
error: Content is protected !!