Top

PN aprova orsamentu ba instituisaun lima

Governu ho Parlamentu Nasionál debate orsamentu iha Espesialidade, iha sala plenáriu PN, segunda (18/12). Imajen Tatoli/Egas Cristovão

DILI, 18 dezembru 2023 (TATOLI) – Parlamentu Nasionál aprova orsamentu fiskál 2024 ba instituisaun lima hanesan Inspesaun Jerál Estadu (IGE), Autoridade Protesaun Sivíl (APC, sigla portugés), Inspesaun Jerál Traballu (IGT), Servisu Intelijénsia (SNI) inklui Servisu Apoiu Sosiedade Sivil no Auditoria Sosiál.

Orsamentu ba IGE ho montante insiál $1.008.300, fahe ba saláriu vensimentu $521.389, bens servisu $437.001, trasferénsia públika la iha, kapitál menór $49.910 no dezenvolvimentu la iha.

Orsamentu ba ida-ne’e Parlamentu Nasionál iha espesialidade ho votu 42, kontra ida no abstensaun 22.

Orsamentu APC ho montante millaun $7.926.312, fahe ba saláriu vensimentu hamutuk $434.680, bens servisu $2.416.907, transferénsia públika $265.000, kapitál menór 898.725, osan ba kapitál dezenvolvimentu la iha. Portantu PN aprova ho votu afavór 45, kontra zero no abstensaun 20.

Orsamentu ba IGT ba tinan 2024 hamutuk $778.284, saláriu vensimentu $466.656, bens servisu hamututuk $233.228, trasferénsia públika la iha, kapitál menór $78.400, osan ba kapitál la iha. Parlamentu aprova orsamentu IGT  ho votu afavor 43, kontra zero no abstensaun 22.

Orsamentu ba SNI ho montante $2684.182, kompostu hosi saláriu vensimentu ho totál $1.106175, bens servisu $1.235.507, la iha transferénsia públika, kapitál menór $342.500 la iha no la iha kapital dezenvolvimentu.

Orsamentu ba SNI ba tinan oin aprova iha faze espesialidade ho votu afavór 46, kontra zero no abstensaun 18.

Orsamentu ba Servisu Apoiu Sosiedade Sivil no Auditoria Sosiál ho totál $23.000.000, kompostu hosi saláriu vensimentu ho montante $ 527.298, bens servisu $246.363, transferénsia públika $22.226.339, kapitál menór la iha no la iha kapitál dezenvolvimentu.

Osamentu ba Servisu Apoiu Sosiedade Sivil no Auditoria Sosiál ba tinan oin ho montante $23.000.000 aprova iha faze espesialidade ho votu afavór 46, kontra ida no abstensaun 18.

“Ho nune’e orsamentu ba instituisaun lima pasa”, Prezidente Parlamentu Nasionál Maria Fernanda Lay hateten anunsia iha sala plenária Segunda, ohin.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!