Top

PN aprova orsamentu PGR, PCIC no PDHJ  

Governu ho Parlamentu Nasionál debate orsamentu iha Espesialidade, iha sala plenáriu PN, segunda (20/12). Imajen Tatoli/Egas Cristovão

DILI, 18 dezembru 2023 (TATOLI) – Parlamentu Nasionál (PN) liuhosi diskusaun espesialidade aprova orsamentu fiskál 2024 ba instituisaun tolu hanesan Prokuradoria Jerál Repúblika (PGR), Polísia Sientífika Investigasaun Kriminál (PCIC, sigla portugés) no Prevedoria Direitu Humanu no Justisa (PDHJ).

Orsamentu tinan fiskál 2024 ba PGR ho inisiál $ 3.692.631, kompostu hosi saláriu vensimentu $ 2.879.881, bens servisu ho montante $757, transferénsia públika la iha, kapitál menór la iha, kapitál menór la iha no kapitál dezenvolvimentu $55.072.

Parlamentu aprova orsamentu PGR ho votu afavór 44, kotra zero no abtesaun 21. Orsamentu ba PCIC ba tinan oin hamutuk millaun $2.211.304, kompostu hosi saláriu vensimentu $ 1.363774, bens servisu ho montante $643.424, transferénsia públika la iha, kapitál menór $ 204.106 no kapitál dezenvolvimentu la iha, Parlamentu aprova ho votu afavór 44 kontra zero , no abstensaun 21.

Orsamentu fiskál 2024 ba PDHJ millaun $2.061.391, kompostu hosi saláriu vensimentu millaun $1. 317, bens servisu ho montante $728.928, transferénsia públika $15.000, kapitál menór la iha no kapitál dezenvolvimentu la iha. Parlamentu aprova ho votu afavór 45, kontra zero no abstensaun 20.

‘’Orsamentu ba instituisaun tolu nia pasa”, Prezidente Parlamentu Nasionál Maria Fernanda Lay deklara iha sala plenária Segunda, ohin.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!