iklan

JUSTISA, HEADLINE

PN aprova orsamentu CAC millaun $2 iha espesialidade 

PN aprova orsamentu CAC millaun $2 iha espesialidade 

Parlamentu Nasionál aprova proposta-lei Orsamentu Jerál Estadu 2024 iha faze espesialidade. Imajen Tatoli/Antonio Daciparu.

DILI, 19 dezembru 2023 (TATOLI) – Parlamentu Nasionál aprova orsamentu millaun $2.332.135 ba Komisaun Anti Korrupsaun (CAC, sigla portugés), tinan fiskál 2024 iha faze espesialidade.

Parlamentu aprova orsamentu CAC ho votu afavór 42, kontra haat no abstensaun 19.

“Ho nune’e orsamentu Komisaun Anti-Korrupsaun pasa”, Prezidente Parlamentu Nasionál Maria Fernanda Lay, anunsia liuhosi debate Orsamentu Jerál Estadu 2024 iha espesialidade, ohin.

Orsamentu CAC nian tinan oin ho dotasaun inisiál iha $2.332.135, fahe ba saláriu vensimentu $1.428.948, bens servisu $496.989, transferénsia públika zero, kapitál menór $406.200, la iha kapitál dezenvolvimentu.

Iha biban ne’e mós, Parlamentu aprova orsamentu Sentru Lojístika Nasionál ho votu afavór 42, kontra ida no votu abstensaun 22.

Orsamentu ba Sentru Lojístika Nasionál tinan oin ho montante $7.291.986 ne’ebé fahe ba ketegoria saláriu no vensimentu $1.024.768, bens no servisu $4.687.218, transferénsia públika $580.000, kapitál menór $1.000.000 no la iha kapitál dezenvolvimentu.

Órgaun lejislativa mós aprova iha espesialidade orsamentu ba Sentru Nasionál Empregu no Formasaun Profisionál I.P ho votu afavór 43, kontra zero no abstensaun 22.

Orsamentu ba Sentru Nasionál Empregu no Formasaun Profisionál I.P ho montante $1.502.474, fahe ba ketegoria saláriu no vensimentu $590.93, bens no servisu $ 911.544, transferénsia públika la iha, kapitál menór zero, kapitál dezenvolvimentu zero.

Parlamentu mós aprova iha espesialidade orsamentu ba Sentru Formasaun Profisionál Becora I.P ho votu afavór 42, kontra zero no abstensaun 23.

Sentru Formasaun Profisionál Becora I.P ho montante $,875.726, fahe ba ketegoria saláriu no vensimentu $340.636, bens no servisu $403.090, transferénsia públika laiha, kapitál menór $10.000, kapitál dezenvolvimentu $1220.000.

Parlamentu mós iha espesialidade orsamentu ba Sentru Nasionál Reabilitasaun I.P ho votu afavór 42, kontra zero no abstensaun 23.

Orsamentu ba Sentru Nasionál Reabilitasaun I.P hetan dotasaun orsamentu ho montante $1.391.409, fahe ba ketegoria saláriu no vensimentu $598.025, bens no servisu $709.884, transferénsia públika la iha, kapitál menór $83500, kapitál dezenvolvimentu zero.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!