Top

PNTL asegura selebrasaun Natál no tinan foun

Komandante PNTL Munisípiu Dili, Superintendente Xefe Polísia, Orlando Gomes. Imajen/TATOLI

DILI, 22 dezembru 2023 (TATOLI)-Komandu Polísia Nasionál Timor-Leste (PNTL) Munisípiu Dili halo formatura jarál hodi hahú destaka membru sira ba igreja sira iha Dili laran inklui fatin sira ne’ebé konsidera hanesan fatin risku ba konflitu atu nune’e polísia bele fó seguransa másimu iha kapitál Dili, atu nune’e durante selebrasaun natál tinan foun iha Dili bele la’o di’ak.

Seguransa ba selebrasaun natál no tinan foun, Komandu PNTL Dili servisu koordena ho Unidade Espesiál Polísia (UEP) no Unidade Polísia Marítima (UPM)no Falintil-Forsa Defeza Timor-Leste, Polísia Militár (PM) atu garantia seguransa ba selebrasaun natál no tinan foun iha Munisipiu Dili bele lao di’ak no hakmatek.

Komandante Munisipiu Dili Superentendente Xefe Polisia Orlando Gomes, hateten, formatura ne’ebé komandu PNTL Dili halo ne’e hanesan preparasaun ikus ba seguransa ba loron natal no tinan foun  hodi fó seguransa ba selebrasaun natal tinan foun bele la’o di’ak, hakmatek no susesu.

“Ohin Komandu Munisipiu Dili halao formatura ne’e, hanesan preparasaun ikus molok hahú halo seguransa natal no tinan foun,” Superentendente Xefe Orlando Gomes, hateten iha nia intervensaun iha formatura jerál atu destaka membru PNTL ba apoiu seguransa ba selebarasaun natál no tinan foun iha Komandu PNTL Dili, Caicoli, sesta ne’e.

Nia husu, Komandante Orlando husu ba polisia atu servisu ho profisionál no neutru nune’e fornese seguransa ho di’ak. “Ha’u apela ba membru PNTL munisípiu Dili, BOP no UPM atu servisu ho másimu servisu ho neutru servisu ho profisionál, nune’e bele fornese seguransa ida ne’ebé di’ak ba ita-nia komunidade, ba ita-nia joven sira hotu, atu bele festeza natál ho tinan foun la’o ho di’ak,” nia adianta.

Komandante Munisipiu Dili ne’e hateten, sei la tolera sidadaun ida ne’ebé mak kria instabilidade iha tempu natál no tinan foun.

“Komandu PNTL Munisipiu Dili, UEP no UPM sei la tolera ba grupu sira ne’ebé hakarak tenta atu kria instabilidade iha Munisipiu Dili,” Komandante Orlando afirma.

“PNTL kumpri kna’ar no misaun neebe atribui no prontu halo knaar no misaun ne’e ho responsablidade hodi garantia pas estabilidade,” nia dehan.

Superentendente Xefe, Orlando husu ba membru sira tomak atu servisu hamutuk F-FDTL liuliu Polísia Militár hodi kria sinerjia ida ne’ebé di’ak iha terenu, liuhosi Komunikasaun, kodenasaun no kolaborasaun atu ita hamituk hodi garantia situasaun seguransa natal no tinan foun lao ho susesu.

Jornalista: Natalino Costa

Editór: Rafael Ximenes de A. Belo

Publisidade

Leave a Reply

Latest Post

error: Content is protected !!