DILI, 05 janeiru 2024 (TATOLI) – Ministru Justisa Amândio de Sá Benevides, hateten Ministériu Finansa no Banku Sentrál Timor-Leste (BCTL, sigla portugés) konklui ona prosesu pagamentu ba Kaderneta Passaporte Timor-Leste faze daruak nian.
“Banku Sentrál no Ministériu Finansa aprova ona letter of credit (LC). Ita haruka ona ba banku Thales nian iha Singapura atu sira (Thales) simu iha ne’e. Bainhira sira simu ona mak sira sei haruka sasan ne’e mai”, Amândio de Sá hateten ba jornalista sira iha nia kna’ar fatin Caicoli, sesta ne’e.
Nia rekorda, passaporte faze dahuluk hamutuk 16.0000 ne’e nia stoke hotu ona, tanba haree volume ema mai halo atendimentu makas tebes.
Tanba ne’e, mak iha fulan outubru 2023, Governu aprova orsamentu ho montante $500.000 hodi halo akizisaun ba Kaderneta Passaporte faze daruak nian ho montante $52.000.
“Governu kontrata empreza Thales hodi sai fornesedór ba Kaderneta Passaprte Timor-Leste nian. Kaderneta Passaporte ne’e halo iha Filándia. Tuir kontratu ne’ebé ita halo ho kompañia, iha prazu loron 60 tenke halo pagamentu, entaun loron 60 monu fulan janeiru tinan ne’e”, nia adianta.
Governante ne’e esplika, tuir akordu ne’ebé Governu estabelese ho kompañia Thlaes ne’e prosesu pagamentu ba kaderneta pasaporte fase daruak ne’e tenke selu liuhosi letter of credi.
“Tuir akordu kuandu Governu haruka ona letter of credit mak empreza Thales sei haruka kaderneta pasaporte fase daruak ho montante 52.000 mai Timor-Leste,”nia dehan.
“Kuandu ita haruka ona LC ne’e ba Empreza Thales no sira simu ne’e signifika katak prosesu pagamentu ba Kaderneta Pasaporte faze daruak Timor-Leste konkluidu no sira mós haruka ona Kaderneta Pasaporte ita-nia mai liuhosi Franca mai Singapura no Sigapura mai Bali depois Bali mai nia rain”, nia afirma.
Amândio de Sá esplika, pagamentu ba Kaderneta Pasaporte faze daruak ne’e la’os liuhosi case maibé selu liuhosi Latter of Credit.
“Entaun ita-nian LC ne’e haruka ba Banku Singapura. Ita espera kuandu tuir kontratu ne’e katak sira simu ona LC mak sira haruka sasan mai”, nia dehan.
Governante ne’e mós la hatene bainhira los mak Kaderneta Pasaporte ne’e atu mai, tanba ne’e nia husu públiku hodi pasiénsia atu hein.
Notísia relevante : Hein tan Kaderneta Passaporte rihun 57 tanba faze dahuluk hotu
Jornalista: Natalino Costa
Editór : Zezito Silva
