iklan

BAUCAU, HEADLINE, MUNISÍPIU

Veneranda Lemos sei komunika CFP rezolve funsionáriu kontratadu iha Baucau

Veneranda Lemos sei komunika CFP rezolve funsionáriu kontratadu iha Baucau

Prezidente Autoridade Munisipál Baucau, Veneranda Eurico Marques Lemos Martins. Imajen Agência TATOLI/Natalino Belo.

BAUCAU, 19 janeiru 2024 (TATOLI) – Prezidente Autoridade Munisípiu (PAM) Baucau, Veneranda Eurico Marques Lemos Martins, sei komunika ho Komisaun Funsaun Públika (CFP, sigla portugués), hodi rezolve estatutu funsionáriu kontratadu iha Baucau ho fazeadamente tanba asuntu refere sériu.

Prezidente Autoridade Munisipál Baucau ne’e nrejista ona preokupasaun no rekomendasaun hosi kada diresaun liña ministeriál kona-bá estatutu funsionáriu kontratadu ne’ebé tinan barak ona serbisu maibé seidauk iha klareza no sei kontinua hala’o knaar iha kada institusaun.

“Ha’u koko hela atu oinsá komunika ho Komisaun Funsaun Públika (CFP, sigla portugés) hodi rezolve tiha funsionáriu kontratadu sira-ne’ebé serbisu kleur,” Prezidente Autoridade Munisipál Baucau hateten iha Vila Antiga, sesta ne’e.

Funsionáriu kontratadu sira-ne’e sei kontinua kontrata maibé koordena ho CFP sei rezolve fazeadamente, liuliu fó prioridade uluk bazea ba tinan servisu hanesan tinan-10 , ualu no lima ba kraik.

Autoridade Baucau sei konvida direita komisáriu CFP atu halo mapeamentu pesoál hodi buka solusaun ba funsionáriu kontratadu sira, hanesan profisionál tékniku sira, motorista no motorista ambulánsia ne’ebé serbisu tinan barak ona.

“Ida-ne’e asuntu ne’ebé sériu,” Veneranda Lemos akresenta.

Eis deputada ne’e argumenta, funsionáriu kontratadu la’ós de’it akontese iha munisípiu maibé nasionál nune’e problema refere sai prioridade durante mandatu nu’udar PAM Baucau.

Totál funsionáriu iha autoridade munisipál Baucau hamutuk 500-resin komposta hosi permanente, kontratadu, rejime jerál no espesiál ne’ebé hala’o knar iha kada diresaun liña ministeriál iha munisípiu Baucau.

Notísia relevante: MAE sei revee estratéjia desentralizasaun administrativa no instalasaun bá órgaun reprezentativu podér lokál

Jornalista   : Natalino Belo

Editór         : Evaristo Soares Martins 

iklan
iklan

Leave a Reply

iklan
error: Content is protected !!