DILI, 24 janeiru 2024 (TATOLI) – Diretór Jerál Servisu Rejistu Notariadu, João Fernando Martins Borges, hateten Ministériu Justisa liuhosi notariadu, iha 2023, konsege hatama osan ba kofre Estadu liuhosi emisaun Passaporte, ho totál millaun $1.4.
“Orsamentu millaun $1.4 ne’ebé mak ita hatama ba kofre Estadu ne’e mai hosi Passaporte ne’ebé ita emite ba ita-nia sidadaun sira”, João Fernando, dehan ba jornalista sira iha kna’ar fatin Colmera, kuarta ne’e.
Nia dehan, reseita hirak ne’e, maioria mai hosi Passaporte Komum ne’ebé notariadu emite ba sidadaun sira.
Kona-ba presu ba Passaporte, nafatin hanesan baibain, ezemplu; tratamentu loron ida-nian ho folin $100, loron-tolu ho presu $75 no semana-ida ho presu $50.
Jornalista: Natalino Costa
Editór : Zezito Silva
