CAC submete kazu 38 inklui Ró Haksolok ba MP
DILI, 31 janeiru 2024 (TATOLI) – Diretór Investigasaun Komisaun Anti-Korrupasaun (CAC, sigla portugés), José Verdial, hateten CAC konklui ona investigasaun ba kazu 38 inklui Ró Haksolok no hirak ne’e submete ona ba Ministériu Públiku.
“Ami konklui ona investigasaun ba kazu 38, hosi kazu ne’e inklui mós Ró Haksok. Ami submete ona kazu sira-ne’e ba Ministériu Públiku iha 29 dezembru 2023, kazu hirak ne’e ho tipu partisipasaun ekonomia no seluk tan”, José Verdial subliña ba jornalista TATOLI iha kna’ar fatin Farol, kuarta ne’e.
Verdial hateten, kazu hirak ne’e submete ona maibé karik Ministériu Públiku presiza tan atu halo investigasaun ba buat balun signifika prosesu investigasaun tenke kontinua ka interkalár prosesuál. Loloos ne’e,
“Kazu sira-ne’e tuir lolos nia prosesu investigasaun remata ona maibé kazu sira-ne’e tenke suspende tanba ita la iha komisáriu, ita bo’ot sira hatene komisáriu nia mandatu remata ona iha kedan abríl to’o mai ohin loron mós ita seidauk iha komisáriu tanba ne’e ita foin konklui prosesu investigasaun”, nia afirma.
Diretór Investigasaun CAC ne’e preokupa ho Komisáriu CAC foun ne’ebé seidauk iha tanba prezudika prosesu servisu CAC nian.
Jornalista: Natalino Costa
Editór : Zezito Silva
