iklan

MUNISÍPIU, SAÚDE

Postu saúde mamuk, Servisu Saúde Liquiça atende pasiente liuhosi klinika movel

Postu saúde mamuk, Servisu Saúde Liquiça atende pasiente liuhosi klinika movel

Ekipa Profisionál Saúde hosi SABEH hala’o Medical Outreach iha Munisípiu Baucau, hosi loron 13 to’o 16 Dezembru 2020. Imajen/Média SABEH.

DILI, 09 fevereiru 2023 (TATOLI)–Diretór Servisu Saúde munisípiu Liquiça, Luis M. Albino, hateten servisu saúde Liquiça atende pasiente sira iha postu saúde mamuk tolu hanesan Barulete, Balá no Rainaba liuhosi atividade klinika movel no Programa Servisu Integradu Saúde Komunitária (SISKA).

Nia esplika, postu sira ne’e mamuk tanba iha pesoál profisionál saúde 60 mak termina sira-nia kontratu iha 31 dezembru 2023 liubá ne’e, sira la servisu no sira hein hela prosesu rekrutamentu iha nasionál tanba iha postu saúde hirak ne’e laiha profisionál saúde permanente.

“Iha postu tolu ne’ebé mamuk ne’e, ami fó hatene sira atividade klinika movel no SISKA ne’e mak sira tenke partisipa iha ne’ebá, hodi hein prosesu ne’e. Ne’ebé, atendimentu ne’e la’o di’ak, médiku ida mak halo atendimentu iha ne’ebá. Iha Betulá atende ho klinika movel no SISKA de’it,” Diretór Luís M. Albino hateten ba Agência Tatoli liuhosi telefóniku, sesta ne’e.

Profisionál saúde hotu-hotu konkore hela rekrutamentu ba vaga nasionál no agora tenke hein, tamba iha prosesu entrevista, entaun hein hela rezultadu.

Sei iha realokasaun profisionál saude sira-ne’ebé ramata kontratu iha dezembru ne’e ba sira-nia serbisu fatin anterior, nia hatán, servisus aúde Liquiça realoka profisionál saúde na’in-rua (2) iha postu saúde Renaba iha Maubara nian hanesan parteira ida (1) no enfermeiru ida (1) aumezmu hein proseu rekrutamentu.

“Iha orientasaun liuhosi karta ida-ne’ebé ita sensibilia ba sentru saúde tolu (3) ne’e hateten, sira hanesan postu saúde ne’ebé mamuk duni. Karta hosi Ministra Saude no Vise Ministru ne’ebé haruka karta ida ami simu, ami hateten it- boot kontinua ba servisu tanba ita-nia postu mamuk total no ita-nia populasaun presiza iha atendimentu saúde nian liuhosi programa SISKA semana ida dala ida. Ba postu saude sira-ne’ebé mamuk ne’e ita bazeia ba karta Governu nian,” nia hateten.

Diretur ne’e hateten, profisionál saúde iha Servisu saúde Munisípiu Liquiça ne’e ema hamutuk 163 pessoas kompostu hosi 129 rejime espesiál no 44 rejime jerál.

Item aimouk vital-konsumivel 7% menus

Entretantu, Diretór Servisu Saúde Munisípiu Likisá ne’e hateten servisu saúde Liquiça ne’e aimoruk vital no konsumavel 7% menus, maibé iha aimoruk sira seluk atu bele fó atendimentu ba pasiente sira.

Aimoruk vital menus mak hanesan vitamin B6 50mg, Salbutamol Scared 4mg, ibuprofen Syrup 200 mg, catether Urinary Urinay Folley balon 2 way 5.15 mil.

Item sira-ne’ebé estoke mamuk ne’e, servisu saúde Liquiça aprezenta ona proposta ba iha Institutu Nasionál Farmasia no Produtu Medikamentu (INFPM) hodi bele tau iha konsiderasaun.

Jornalista : Jesuína Xavier

Editor       : Cancio Ximenes

iklan
iklan

Leave a Reply

iklan
error: Content is protected !!