iklan

BAUCAU, HEADLINE, MUNISÍPIU, SEGURANSA

Asidente tráfegu hamate ema ida iha Nagardjo Baucau

Asidente tráfegu hamate ema ida iha Nagardjo Baucau

Vítima NdF lakon vida bainhira hetan asidente tráfegu iha área Nagardjo, Bahu, Baucau. Imajen espesiál

BAUCAU, 21 fevereiru 2024 (TATOLI) – Asidente tráfegu ne’ebé akontese iha área estrada Nagardjo, suku Bahu, postu Baucau Vila rezulta vítima NdF lakon vida.

Komandante Polísia Nasionál Timor-Leste (PNTL) munisípiu Baucau, Superintendente Xefe, Antóninho Mauluta, esplika, tuir kronolojia vítima utiliza motorizada ho velosidade aas hosi diresaun estrada Komponente Terrestre atu ba Vila Antiga maibé to’o iha diresaun Nagardjo vítima lakon konsentrasaun nune’e hamosu dezastre.

“Ita simu informasaun Polísia tránzitu to’o kedas fatin akontesementu hodi evakua maibé to’o ospitál la konsege salva vítima nia vida,” Komandante PNTL Baucau hateten iha Vila Nova, kuarta ne’e.

Tuir relatóriu, vítima NdF ho idade 21 kazadu profisaun nu’udar agrikultór hosi aldeia Ro-Ulo, suku Bahu, ne’ebé dezastre refere akontese iha loron-segunda, 19 fevereiru, oras 17:45 lokraik.

“Vítima hetan pankada maka’as iha ulun tanba namdoras ulun pankada ba estrada,” Superintendente Xefe Antoninho Mauluta akresenta.

Komando PNTL Baucau halo ona investigasaun ba sasin inklui motorista no asegura karreta hosi autoridade postu administrativu Vemase ne’ebé antes ne’e deskonfia xoke vítima maibé rezultadu investigasaun vítima dezastre singulár.

PNTL Baucau husu ba komunidade sira atu kumpri regra tránzitu hanesan utiliza kapasete no redus velosidade nune’e labele mosu asidente.

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!