iklan

EKONOMIA, BOBONARO, HEADLINE, MUNISÍPIU

IGEADI halo ona intervensaun salva estrutura ponte Nunura

IGEADI halo ona intervensaun salva estrutura ponte Nunura

Ekipamentu hosi Institutu Jestaun Ekipamentu Apoia Dezenvolvimentu Infraestrututa, Institutu Públiku (IGEADI,IP sigla Portugues), Brigada Maria-Tapo, halo hela intervensaun ba mota hodi salva estrutura Ponte Nunura. Imajen Tatoli/Sérgio da Cruz.

BOBONARO, 19 marsu 2024 (TATOLI)-ekipamentu pezadu hosi Institutu Jestaun Ekipamentu Apoia Dezenvolvimentu Infraestrututa, Institutu Públiku (IGEADI,IP, sigla portugés) Brigada Maria-Tapo, hahú halo ona intervensaun muda bee-mota hodi salva estrutura ponte Nunura, iha aldeia Manu-Aman, suku Tapo-Memo, postu administrativu Maliana, munisípiu Bobonaro, ne’ebé hetan estragu hafoin akontese udan-boot durante ne’e.

Komunidade Nunura, Marcelino Pereira, sente kontente no agradese ba governu ne’ebé orienta ona IGEADI,IP halo intervensaun, maski hein kleur.

Notísia relevante: Volume mota hosi Indonézia kontinua sobu ponte Nunura 

“Sira mai semana ida liu ona, ami komunidade iha-ne’e senti ida-ne’e di’ak oituan ona tanba sira mai dudu rai-henek, muda bee liu fali iha sorin ne’e, mota tún karik labele liu ponte ninia hodi estraga beibeik ponte ne’e,nno estraga ami-nia natar ho to’os sira,” nia informa informa ba Tatoli, iha Nunura tersa ne’e.

Motorista Kamioneta Marcos de Jesus Soares, nafatin rekomenda ba Ministériu Obra Públika, atu reabilita mos barrajen iha mota ninin, ne’ebé hetan estragus totál.

“Muda de’it ne’e, udan mai bele sobu fila fali, ami-nia hanoin di’akliu, governu hadi’ak hotu penahan sira-ne’e, atubele satán bee, tanba ema Indonézia nia penahan ne’e maka’as liu mak hodi bee tebe fali mai ita-nia,” nia hateten.

Tuir observasaun jornalista Ajénsia Tatoli iha terrenu nota katak, ekipamentu pezadu eskavatñdór unidade tolu mak halo hela operasaun iha mota laran hodi protele ponte ne’e.

Notísia relevante: Komunidade ezije MOP proteje lalais estrutura ponte Nunura

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!