iklan

COVALIMA, HEADLINE

Floresta Covalima rejista emprezáriu 29 investe iha atividade karpintaria

Floresta Covalima rejista emprezáriu 29 investe iha atividade karpintaria

Xefe Departamentu Reflorestasaun Territoriál no Planta Industriál Covalima, Domingos Gusmão. Imajen/Celestina Teles.

COVALIMA, 02 Abríl 2024 (TATOLI) –Departamentu Reflorestasaun Territoriál no Planta Industriál Covalima rejista emprezáriu ne’ebé hala’o atividade negósiu ki’ik iha área karpintaria hamutuk-29.

Xefe Departamentu Reflorestasaun Territoriál, Domingos Gusmão, hateten rejistu ida ne’e halo hodi buka hatene atividade ne’e uza ai espésie saida no nia lokalizasaun sira.

“Razaun Floresta Covalima halo rejista sidadaun ne’ebé hala’o negósiu ki’ik iha área kapintaria ne’e atu buka hatene sidadaun sira uza ai kúbiku hira hodi halo meza, kadeira, armáriu, kama, nomós fó serbisu ba sidadaun sira”, Domingos Gusmão hatete ohin.

Dirijente ne’e esplika katak sidadaun ne’ebé hala’o negósiu iha área karpintaria ne’e nia lokalizasaun la’ós iha kapitál Suai de’it hamutuk sia, maibé iha mós postu Zumalai iha hitu, Maucatar ualu, Tilomar lima hodi fó postu traballu ba sidadaun hamutuk 70-resin.

Tuir observasaun, emprezáriu ne’ebé loke atividade karpintáriu iha Covalima maioria uza ai espésie ai-indústria mak hanesan ai-teka no gemelina.

Jerente empreza Ochy Choky, Marito Baptista, hateten sira halo rejista iha Floresta atu hetan lisensa no hetan karta koñesimetu husi xefe suku hafoin guarda florestál halo peskiza ba ai iha terrenu hodi ko’a metru kúbiku hira.

Ochy Choky harii iha 2021 ne’ebé daudaun ne’e fó serbisu ba ema na’in-13, husi númeru ne’e haat hetan remunerasaun kada fulan $135, enkuantu tékniku la fó salariu maibé hetan de’it porsentu husi produsaun karpintaria hanesan odamatan tahan ida $20 ka $18, janela tahan ida $10, nune’e sira-nia saláriu la permanente.

Jornalista: Celestina Teles

Editora:  Maria Auxiliadora

iklan
iklan

Leave a Reply

iklan
error: Content is protected !!