iklan

EKONOMIA, HEADLINE

Indonézia hakarak apoia Timor-Leste hodi implementa planu dezenvolvimentu komunitária

Indonézia hakarak apoia Timor-Leste hodi implementa planu dezenvolvimentu komunitária

Prezidente Repúblika, José Ramos-Horta, hala'o enkontru ho Toneko ho delegasaun husi Indonézia, iha Palásiu Prezidensiál, Bairru-Pité, tersa (02/04). Imajen Tatoli/Egas Cristóvão

DILI, 03 abríl 2024 (TATOLI) – Prezidente Republika,José Ramos Horta, kuarta ne’e, hala’o sorumutuk ho delegasaun Asosiasaun Komérsiu Karbonu hosi Indonézia, hodi hato’o kompromisu atu apoia Timor-Leste hodi implemneta planu dezenvolvimentu komunitária.
“Ami aprezenta programa pro-komunidade ida-ne’ebé atu implementa iha Timor-Leste, liuliu planu  dezenvolvimentu komunitária. Iha aprezentasaun ne’e, iha reasaun pozitivu hosi Prezidente Repúblika no fó motivasaun boot ba ami-nia ekipa atu implementa programa ne’e iha Timor-Leste,” Xefe Delegasaun Asosiasaun Komérsiu Karbonu Indonézia, Riza, hatete ba jornalista sira iha Palásiu Prezidensiál Dili, ohin.

Inisiativa ne’e bazeia ba relasaun naruk entre Timor-Leste no Indonézia, inklui Festival Fronteira foin lalais ne’ebé hala’o iha Maliana ne’ebé hatudu sesaun diskusaun espesiál ida.

Delegasaun referidu mós deklara katak Prezidente Repúblika, Ramos Horta, iha planu atu apoia esforsu hirak-ne’e liuhusi programa televizaun ida-ne’ebé hanaran “Ramos Horta Awards” hodi rekoñese inisiativa sira iha suku ne’ebé matenek. Ida ne’e aliña ho protesaun natureza no atinje Objetivu Dezenvolvimentu Sustentavel.

Notísia relevante:Governu sei elabora planu dezenvolvimentu komunitária no munisipál

Jornalista: Hortencio Sanchez

Editór: Florencio Miranda Ximenes 

iklan
iklan

Leave a Reply

iklan
error: Content is protected !!