iklan

HEADLINE, SEGURANSA

Konfrontu Estudante 4 de Setembro ho Nobel da Pás, PNTL asegura estudante 11

Konfrontu Estudante 4 de Setembro ho Nobel da Pás, PNTL asegura estudante 11

Logo PNTL (Foto/spesial)

DILI, 05 abríl 2024 (TATOLI) – Konfrontu entre estudante sira hosi eskola Sekudária Nobel da Pas ho estudante hosi Eskola 4 Setembru Balide, Polísia Nasionál Timor-Leste (PNTL) Munisípiu Dili asegura estudante 11.

Konfrontu ne’e akontese iha kinta (04/04) horseik iha oras tuku 12:00 meudia bainhira estudante sira fila hosi eskola fila uma, derepente mosu konfrontu estudante hosi eskola Sekudária Nobel da Pas no Eskola Sekudária 4 de Setembro baku malu, ekipa patrolla PNTL Munisípiu Dili halo kedan intervensaun hodi asegura estudante sira ba Komandu PNTL Munisípiu Dili.

Hafoin ida-ne’e, konfrontu ne’e kontinua kedan iha sesta (5/4), nune’e polísia asegura estudante sira.

“Horseik akontese konfrontu entre estudante Nobel da Pas no 4 de Setembro Balide no kontinua, ita-nia estudante sira baku no ita-nia patrollu PNTL Munisípiu Dili halo kedan atuasaun ba konfrontu no horseik ita asegura estudante hamutuk nain-31, nune’e mós ohin ita asegura tan  estudante nain-11, sira agora submete ba identifikasaun”, Komandante Operasaun PNTL Munisípiu Dili, Luis da Costa Amaral, ba Tatoli via telefonika, sesta.

PNTL halo identifikasaun ba suspeitu iha de’it oras 12 ne’ebé previstu iha artigu 53 hosi Kódigu Prosesu Penál. Artigu ne’e hateten PNTL mak iha kompetensia halo identifikasaun ba sidadaun ne’ebé suspeita ba aktu krime ruma durante oras 12, kuandu iha indísiu mak foin halo detensaun ba sidadaun, kuandu laiha indísiu krime tenke husik imediata ema.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!