iklan

JUSTISA, HEADLINE

Prezidente no Konseleiru Partidu KHUNTO presta deklarasaun iha PCIC

Prezidente no Konseleiru Partidu KHUNTO presta deklarasaun iha PCIC

Prezidente Partidu Kmanek Haburas Unidade Nasional Timor Oan (KHUNTO) Armanda Berita dos Santos no Konsulleiru másimu José dos Santos Naimori Bukar no Prezidente KHUNTO Armanda Berta dos Santos, presta deklarasaun iha Polísia Sientifika Investigasaun Kriminál (PCIC, sigla portugés) ba kazu ba má administrasaun. Foto Naatalino Costa.

DILI, 05 abríl 2024 (TATOLI) – Prezidente Partidu Kmanek Haburas Unidade Nasionál Timoroan (KHUNTO), Armanda Berita dos Santos no Konselleiru másimu José dos Santos Naimori Bukar presta deklarasaun iha Polísia Sientífika Investigasaun Kriminál (PCIC, sigla portugés) ba kazu má administrasaun

Prezidente no Konselleiru másimu Partidu KHUNTO to’o iha edifísiu PCIC iha sesta (5/4) tuku 9:00 dader ho karreta JEP ho xapa matríkula A 27.791.

Prezidente no Konselleiru KHUNTO tama uluk iha sala identifikasaun hodi prosede ba identinfikasaun durante oras ida, hafoin ida-ne’e, Investigadór PCIC kontinua lori líder supremu Partidu KHUNTO na’in-rua ba sala identifikasaun Judisiária PCIC hodi kontinua ba identifikasaun iha menutu 30 nia-laran.

Tuir observasaun Tatoli katak hafoin remata identifikasaun iha sala identifikasaun judisiária, líder supremu Partidu KHUNTO na’in-rua mai fase kedan liman iha liur.

Konselleiru hateten, objetivu mai iha edifísiu PCIC ho objetivu atu koopera ho justisa liga ho kazu má administrasaun.

“Ami mai iha ne’e tanba atu kontribui ho justisa liga ho kazu má administrasaun nian”, José dos Santos Naimori Bukar hafoin konklui presta deklarasaun iha PCIC, sesta, ohin.

Iha entrevista jornalista sira, Bucar la sita klean kona-ba kazu má administrasaun

Iha fatin hanesan, Defeza hosi líder supremu Partidu KHUNTO na’in-rua Armanda Berta dos Santos no José Naimori nian, Advogadu Privadu, Arnaldo da Costa Lopes, hateten prezensa líder supremu Partidu  KHUNTO na’in-rua mai iha PCIC hanesan sidadaun atu kolabora ho justisa atu mai presta deklarasaun.

“Hanesan sidadaun ita lori sira mai atu presta deklarasaun maibé entermu ba kazu saida ita seidauk hatene, karik akuzasaun hosi Ministériu Públiku mak ita foin tanba ne’e sei segredu justisa”, nia afirma.

Nia dehan, hanesan advogadu ne’ebé fó asisténsia ba lider supremu Partidu KHUNTO seidauk bele ko’alia buat ruma, husik prosesu justisa la’o mak haree tanba kazu ne’e segredu justisa.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!