iklan

HEADLINE, SEGURANSA

Ministériu Interiór entrega ró patrollamentu rua ba UPM

Ministériu Interiór entrega ró patrollamentu rua ba UPM

Seremónia entrega ró patrulla PNTL husi kompañia ba Ministériu Interiór (MI) hodi entrega ba Unidade Polísia Marítima (UPM) iha Sional, Dili, segunda (15 abríl 2024). Imajen Tatoli/Antonio Daciparu

DILI, 15 abríl 2024 (TATOLI) – Ministériu Interiór entrega Ró rua patrolla nian ba Polísia  Nasionál Timor-Leste (PNTL) liuhosi Unidade Polísia Marítima (UPM) atu uza hodi halo atividade patrollamentu iha tasi ho objetivu atu kontrola no prevene peska illegál, inklui halo salvamentu ba ema hirak ne’ebé hetan dezastre iha tasi.

Ró rua ne’e ho marka PNTL-UPM ne’ebé kontrui hosi Empreza Krom Unipesoál Lda iha Surabaya Indonézia durante tinan ida, dezde 2023 ho orsamentu ho liu millaun $1.

Serimónia etrega Ro patrula PNTL husi kompania ba MI hodi entrega ba Polisia UPM iha sional dili, segunda 15 abril 2024. Foto Tatoli/Antonio Daciparu

“Ró rua ne’e iha ne’e ona no ohin ita halo serimónia entrega ba Komandu PNTL para Komandu PNTL liuhosi UPM uza atu halo patrolamentu ba ita-nia tasi. Ró ida-ne’e nia kustu liu millaun $1”, Ministru Interiór Francisco Guterres dehan iha Kuartél UPM Sionál Dili, segunda ne’e.

Francisco promote katak Governu iha kompromisu atu investe ba UPM liuhosi hola ró hodi bele halo atividade operasaun iha tasi.

“Iha planu bo’ot ida ke agora ne’e hahú haree ona para depois ba futuru ne’e ita tenke tau investimentu bo’ot ida ba UPM para halo servisu. Iha investimetu ne’e inklui mós prepara infraestrutura ne’ebé di’ak ba sira no transporte hanesan ró ho ninia kapasidade ne’ebé bo’ot liu atu nune’e sira bele halo kontrolu ne’e efetivu liután”, nia adianta.

Nia hatutan , Ministériu Interiór, Defeza, Ministériu Agrikultura iknklui ministériu relavante sira seluk ne’ebé hola parte iha Autoridade Marítima Nasionál iha trasa planu bo’ot hodi hola ró bo’ot ho kapasidade ne’ebé bele akomula ema barak atu ministériu relavante ne’ebé mak hola parte iha Autoridade Marítima bele servisu hodi kontrola tasi Timor.

Serimónia etrega Ro patrula PNTL husi kompañia ba MI hodi entrega ba Polísia UPM iha Sional Dili, segunda 15 abril 2024. Foto Tatoli/Antonio Daciparu

Komandante Unidade Polísia Marítima (UPM), Superintendente Eúgenio Pereira, hateten ho ró rua patrolamentu ne’e bele ajuda tebes ba servisu UPM nian iha futuru.

“Ró rua ne’e UPM agora iha ona ró patrolla lima no tuir planu ita sei tau ida iha postu vijilánsia iha Com (Lautém), ida iha Beacou (Atabae), ró ida ita sei tau iha postu vijilánsia Ataúro no ida seluk ita sei tau iha Betano (Same) no ró ida mak ita sei koloka iha ne’e hodi halo vizilánsia iha ne’e”, nia konklui.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!