DILI, 05 maiu 2024 (TATOLI) – Governu liuhosi Ministru Juventude, Desportu, Arte no Kultura (MJDAK), Nelyo Isaac Sarmento husu atleta atletizmu sira kontinua prepara aan no labele orgullu de’it ho rezultadu ne’ebé hetan ona.
“Alin sira, imi-nia idade sei kiik, imi mai husi munisípiu idak-idak tuir kompetisaun ne’e imi balu hetan rezultadu di’ak, balu la konsege maibé labele lakon vontade, tempu sei barak, imi ne’ebé hetan rezultadu di’ak labele orgullu de’it ho rezultadu ne’e, maibé haka’as aan treinu nafatin. Sé imi hadomi atletizmu kontinua treinu ba atu hadi’a nafatin imi-nia prestasaun,” Ministru Nelyo katak bainhira taka kompionatu nasionál atletizmu ne’ebé hala’o iha edifísiu MJDAK Lecidere, ohin.
Governante ne’e mós husu ba atleta sira ne’ebé prestasaun di’ak labele ransu livre hodi estraga prestasaun, tenke kuidadu aan nafatin tanba atleta sira ne’e mak eroi foun ba Timor-Leste nia dezenvolvimentu iha mundu desportiva.
“Imi tenke hadomi imi-nia profisaun, kuidadu imi-nia aan, tanba idade ida imi nian agora ne’e produtivu tebes, imi mak sai eroi ba ita nia dezenvolvimentu, parabéns ba imi ne’ebé manán, imi ne’ebé lakon oportunidade sei iha ba imi, fila ba imi-nia vontade rasik,” nia tenik.
Nia dehan, Governu la taka matan ba atleta sira ne’ebé iha prestasaun di’ak, kontinua apoiu nafatin no tinan oin Governu sei tau orasamentu hidi realiza nafatin kampionatu nasionál hodi buka fini atleta atletizmu tanba dalabarak mak atletizmu hamorin ona Timor-Leste nia naran iha eventu internasionál sira.
Tuir nia, kampionatu nasionál ne’ebé hala’o atu prepara ba jogu CPLP, maibé atleta sira kontinua treinu nafatin tanba tempu seu naruk no iha tempu besik sei halo tan selesaun atleta ne’ebé iha prestasaun mak sei kompete no balu prestasaun monu sei la kompete.
Iha okaziaun ne’e, Prezidente Federasaun Atletizmu Timor-Leste (FATL), Afrânio Xavier Amaral, agradese ba Governu ne’ebé apoiu ona orsamentu hodi realiza kampionatu nasionál ne’e.
“Lori federasaun no atleta hotu agradese ba Governu ne’ebé iha vontade boot hakarak dezenvolve desportu iha ita-nia rain liuliu ami (atletizmu), ami sei servisu maka’as koordena ho assosiasaun husi munisípiu sira hotu atu hadi’a kondisaun hotu ne’ebé iha,” Afrânio katak.
Iha ambitu ne’e, Ministru Nelyo ho FATL fahe mós prémiu ba manán na’in juveníl no seniór sira ne’ebé sai manán na’in iha kampionatu nasionál atletizmu ne’e.
Premiu tuir kategoria hanesan, osan ho medalla, medalla osan mean ba primeiru lugar, osan mutin ba segundu lugár no osan metan ba terseiru lugár.
Enkuantu orsamentu ba manán na’in sira seniór feto to mane primeiru lugár $250, segundu lugár $200 no terseiru lugár $150. Juveníl primeiru lugár $100, segundu lugár $75 no terseiru lugár $50.
Atleta sira-ne’ebé sai kampiaun iha eventu ne’e fahe tuir ba kategoria sira mak hanesan;
Kategoria juveníl mane iha metru 200
Primeiru lugár : Selcio Deonizio dos Santos husi Dili.
Segundu lugár : Marito dos Santos husi Ermera.
Terseiru lugár : Castro Belo Trindade husi Ermera.
Kuartu lugar :Veldenicio Ximenes husi Ermera.
Kategoria juveníl feto metru 200
Primeiru lugár : Alias Maranda husi Dili.
Segundu lugár : Donita Amaral husi Dili.
Terseiru lugár : Arsenia Magno Lopes husi Dili.
Kuartu lugár : Jenia Martins de Carvalho.
Kategoria juveníl mane iha metru 400
Primeiru Lugár : Marito dos Santos husi Ermera.
Segundu Lugár : Veldenicio Ximenes husi Ermera.
Terseiru Lugár : Castro Belo Trindade husi Ermera.
Kuartu Lugár : Melquiano dos Santos husi Dili.
Kategoria estafeta metru 4×100 juveníl mane
Primeiru lugár husi Ermera hanesan; Castro Trindade, Veldenico Ximenes, Fricoino de Jesus, Marito dos Santos.
Segundu lugár okupa husi Dili mak hanesan; Rui Amaral Lopes, Inosencio Soares, Chelio dos Santos, Quelirobin Amaral.
Terseiru Lugár husi eskola An’nur mak hanesan; Nicky Octawidianto, Harum da Silva, Felisberto Cortereal.
Kategoria Estafeta 4X100 juveníl feto
Primeiru Lugár husi Ainaro no Dili mak hanesan; Arsenia Magno Ramos, Britania Correia, Alisa Miranda, Donita Amaral.
Segundu Lugár husi An’nur no Ermera mak hanesan, Sandra Exposto, Dircia Maia Soares, Tarcisia Soares, Juvinia dos Santos Silva.
Terseiru Lugár husi eskola An’nur mak hanesa, Faviola Moniz, Octaviana Ella Eno, Anaclecia dos Santos, Angela Lourdes.
Kategoria seniór mane metru 800
Primeiru Lugár: Manuel Belo Amaral Ataide husi Ermera.
Segundu Lugár: Roberto Amaral husi Ermera.
Terseiru Lugár: Edy Alves Correia husi Liquiça
Kategoria seniór feto metru 800
Primeiru Lugár : Ligia Fraga husi Baucau
Segundu Lugár : Maria da Costa husi Ermera
Terseiru Lugár : Juvita de Jesus husi Ermera
Kategoria seniór mane metru 1,500
Primeiru Lugár : Roberto B Amaral Soares husi Ermera
Segundu Lugárr : Joanito Fernandes husi Manufahi
Terseiru Lugár : Manuel Amaral Ataide husi Ermera
Kategoria seniór feto metru 1,5000
Primeiru Lugár : Rubia Martins husi Ermera
Segundu Lugár: Juvita de Jesus husi Ermera
Terseiru Lugár : Maria da Costa husi Ermera
Kategoria seniór mane iha metru 5,000
Primeiru Lugár: Felisberto de Deus husi Ermera
Segundu Lugár : Vitor Martins husi Aileu
Terseiru Lugár : Jaqueu de Deus husi Ermera
Kategoria seniór feto metru 5,000
Primeiru Lugár: Rubia Martins Husi Ermera
Segundu Lugár : Angelia Fatima husi Liquiça
Terseiru Lugár : Nelia Martins husi Ermera
Kategoria seniór feto iha metru 10.000
Primeiru Lugár: Angelia Araujo husi Liquiça.
Segundu Lugár : Rubia Martins husi Ermera.
Terseiru Lugár : Juvita Soares Lautem
Kategoria seniór mane metru 10.00
Primeiru Lugár: Felisberto de Deus Husi Ermera.
Segundu Lugár : Joanito Fernandes husi Manufahi.
Terseiru Lugár : Jaqueu de Deus huisi Ermera.
Kampionatu nasionál ne’e realiza tanba hetan apoiu másimu husi Ministériu Juventude, Desportu, Arte no Kultura (MJDAK) ho orsamentu $22.000.
Partisipa iha eventu ne’e atleta hamutuk 155 ne’ebé mai husi munisípiu 13 inklui Reziaun Administrativu Oé-Cusse Ambeno.
Jornalista: Hortencio Sanchez
Editór: Evaristo Soares Martins