iklan

HEADLINE, SEGURANSA

PNTL detein suspeitu na’in-rua bosok ema ba servisu

PNTL detein suspeitu na’in-rua bosok ema ba servisu

Sub Xefe Servisu Investigasaun Kriminál (SIK), Inspetór Xefe Polísia Mouzinho T, Correia. Imajen António Gonçalves

DILI, 27 maiu 2024 (TATOLI) – Xefe Departamentu Investigasaun Kriminál (DIK), Inspetór Xefe Mouzinho Correia, hateten DIK detein suspeitu na’in-rua tanba deskonfia bosok ema hodi ba servisu iha Austrália.

Suspeitu na’in-rua ne’ebé PNTL detein ho inisiál FJF ne’ebé halo kobransa ilegál hodi husu joven lubuk ida iha Timor-Leste atu fó osan depois trata hpdi buka servisu iha Austrália maibé realidade laiha. Enkuantu DIK mós detein suspeitu ho insiál JSM tanba deskonfia uza ema seluk nia foto ho naran iha facebook hodi manda mensajen, fotografia no vídeo porno ba ema seluk hodi esplora ema seluk hodi husu osan.

“Iha 25 maiu 2024, ita detein suspeitu na’in-rua, ida halo kobransa ilegál hodi husu ba sidadaun sira hatama osan nune’e nia mak trata sira-nia dokumentu ba Austrália. No ita mós lokaliza no detein suspeitu ida iha Laleia Manatutu tanba envolve kazu públiku, ema nia foto no manda video porno ba ema iha rede Facebok”, Inspetór Mouzinho Correia hateten ba jornalista sira iha Komandu Jerál  PNTL, Caicoli, segunda, ohin.

Mouzinho hateten, atitude suspeitu ho inisiál FJF mak ema lubuk ida sai ona vítima katak balun fó karau no ema ida fó osan $250 to’o $1000.

Nia haktuir, suspeita ne’e bosok ema dehan katak nia husi SEFOPE ne’ebé mak atu rekruta joven sira ne’e atu ba servisu iha Austrália maibé realidade laiha no PNTL kontinua buka tán suspeitu balun ne’ebé envolve iha laran.

Suspeitu na’in-rua, daudaun ne’e, detein ona iha Sela Komandu PNTL Dili durante oras 72 molok aprezenta ba Ministériu Públiku hodi submete ba interogatóriu dahuluk iha Tribunál Judisiál Primeiru Instánsia Dili.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!